Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 329

२२६
अंगविज्जापइण्णयं तत्थ थलजा पक्खी तिविधा आधारयितव्वा-गम्मा रण्णा गम्मारण्णा चेति । तत्थ अब्भंतरामासे गामेसु चेव पादुब्भावेसु गम्मा विण्णेया । बाहिरामासेसु आरण्णेसु य पादुब्भावेसु आरण्णा विण्णेया । बाहिरब्तरेसु गम्मारण्णपादुब्भावेसु चेव गम्मारण्णा पक्खी चिंतिय त्ति विण्णेया । थीणामेसु थीणामा, पुण्णामेसु पुण्णामा, णपुंसकेसु णपुंसका विण्णेया । सेतेसु सेता, रत्तेसु रत्ता, पीतेसु पीता, णीलेसु णीला, कण्हेसु कण्हा, आरुणेसु आरुणा, पंडुसु पंडू, 5कविलेसु कविला, फरुसेसु फरसा, 'चित्तेसु चित्ता, जधाप(व)ण्णपडिरूवतो वण्णे आधारिते पक्खिणो चिंतित त्ति
बूया । कायवंतेसु कायवंता मयूरा कंका छिण्णालिंगाओ सुवण्णाओ चेति, एवमादीका कायवंतेसु चिंतित त्ति बूया । तत्थ मज्झिमकायेसु गद्धा वीरल्ला सेणा उलूका चेति एवमादयो विण्णेया । मज्झिमाणंतरकायेसु सालका कपोता वायसा सुका कोकिला तित्तिरा चेव विण्णेया । पच्चवरकायेसु वातिका तेल्लपातिका सगुणीका परसउणिका चम्मडिला एवमादी विण्णेया । एवं चतुविधकायो पडिरूवतो आमासेहि य विण्णेया । उरसरगते पाणगतेसु य < सेव्वसउणा > 10विण्णेया । चित्तेसु तित्तिरा चित्तकपोतका वणकुक्कुडा वह्यकाओ य विण्णेया । घोसवंतेसु घोसवंता विण्णेया । दारुणेसु मंसरुधिरभोयी विण्णेया । अणूसु धण्णभोयी विण्णेया । अघोसवंतेसु अघोसवंता विण्णेया । मधुररुतेसु महुररुता । कटुकरुतेसु कडुकरुता विण्णेया । तधा अव्वत्तघोसेसु अव्वत्तघोसा चिंतितं ति विण्णेया । एवमादीहिं संठाण-वण्णथी-पुरिस–णपुंसकोपलद्धीहिं आहार-घोस-पडिरूव-सद्दपादुब्भावेहिं जलया थलया य पक्खिणो आधारयित्ता आधारयित्ता जधुत्ताहिं उवलद्धीहिं आमास-सद्द-पडिरूवपादुब्भावेहिं उवलद्धव्वा भवंति । इति पक्खिगतो जलय-थलयपक्खिसमायुत्ता 15 दुविधा चिंता वक्खाता जीवचिंता भवतीति ।
तत्थ चतुष्पदे चउरस्सेसु य चउप्पदमए उवकरणे चतुप्पदोवकरणे चतुप्पदसद्दगते चतुप्पदणामोदीरणे चतुप्पदणामधेज्जे थी-पुरिसउवकरणगते एवंविधपक्खित्तामासे सद्द-रस-रूवपादुब्भावे चतुप्पदं चिंतितं ति बूया । ते दुविधा आधारये-पज्जा जलचरा चेव, अधवा थलचरा जलचरा चेति । तत्थ सव्वआपुणेयेसु सव्वजलेसु जलचरेसु य जलचरा विण्णेया । तं जधा-सुंसुमारा उदककच्छभ त्ति मच्छगये विण्णेया भवंति । तत्थ पुणरवि चतुप्पदा 20 आधारयितव्वा भवंति-गम्मा अरण्णा गम्मारण्णा चेति । तत्थ अब्भंतरेसु सव्वगम्म < गते चेव गम्मा > विण्णेया ।
बाहिरामासेसु सव्वआरण्णगतपादुब्भावेसु चेव आरण्णा चतुप्पदा चिंतित त्ति बूया । अभितरबाहिरेसु गम्मारण्णेसु तस्सद्दरूवपादुब्भावे य गम्मारण्णा विण्णेया । तत्थ गो-महिस-अयेलकोट्ट-खर-सुणका चेव एवमादी गम्मा विण्णेया । सीह-वग्ध-तरच्छ-ऽच्छ-भल्ल दीविक-गेज-चमरीओ खग्गा चेति विण्णेया, एवमादयो आरण्णा विण्णेया । तत्थ
जे केयि आरण्णा भुत्ता गम्मा भवंति एते गम्मारण्णा भवंति । तत्थ हत्थी अस्सा वराहा वगा सियाला मुंगुसा णउला 25 उंदुरा कालका पयला कातोदूका सरंता घरघुला चेति एवमादयो गम्मारण्णा विण्णेया । तत्थ चउप्पदा पुणरवि दुविहा
आहारयियव्वा भवंति–चउप्पदा चेव परिसप्पा चेव । तत्थ चउप्पदगए सव्वउद्धंभागेसु सव्वपरिसप्पचउप्पदगते चेव परिसप्पचउप्पदा विण्णेया । अजगरं असालिका गोधा तोडका सरंता मुंगुसा णकुला पयलाका अहिणुका घडोपला उंदरा चेति ।
तत्थ पुणरवि तिविधा चतुप्पदा आधारयितव्वा-थलचरा वुक्खचरा बिलसाइ त्ति । तत्थ पत्थिएसु 30 थलेसु थलचरेसु य थलचरा चिंतित त्ति बूया । उद्धंभागेसु मूलजोणीगते चेव वुक्खचरा चतुप्पदा चिंतित
त्ति बूया । सव्वछिद्देसु अधोभागेसु य बिलसायी विण्णेया । तत्थ वुक्खचरा विराला उंदुरा खालका घरपूपला अहिणुका तोड्डका य पचलाका वेति एवमादयो चिंतिता विण्णेया भवंति । तत्थ बिलासया दुविधा-सेलबिलासया भूमिबिलासया
१ छिण्णलिं हं० त० विना ॥ २ सुका काका को हं० त० ॥ ३ चम्मट्ठि एव हं० त० विना ॥ ४ उरसुर सं ३ पु० । उवसर' सि० ॥ ५ > एतच्चिह्नान्तर्गतः पाठः हं० त० नास्ति ॥ ६ वहाका हं० त० ॥ ७ अहातच्चंतघो हं० त० ॥ ८ अच्चंतघो हं० त० ॥ ९ गवज (गवल) चम' हं० त० विना ॥ १० रा कापयला काओट्टका सरंवा घर हं० त० ॥ ११ सरंडा मुं हं० त० ॥ १२ उदुंबरा हं० त० ॥ १३-१४ तुखचरा हं० त० ॥ १५ थालका हं० त० ॥