Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 310

बापंचासइमो णक्खत्तविजयज्झाओ
२०७ तत्थ हत्थ-पाद-जंघोरु-बाहु-णाभीसु तीसं मुहुत्ताणि बूया । तत्थ पट्ठोदर-खंध-वच्छेसु सिरंसि च पणयालीसतिमुत्ताणि बूया । तत्थ केस-मंसु-लोम-णह-सव्वंगुलीगए अंगुढेसु चेव पण्णरसमुहुत्ताणि बूया । एतेसामेवादेसंग्गहणे तूणपण्णरसमुहुत्तं अभीयि बूया ।।
तत्थ तीसतिमुहुत्तेसु पुव्वदारेसु कत्तिगा मिगसंठाणं पुस्सं ति तिण्णि णक्खत्ताणि बूया । दक्खिणदारेसु महा पुव्वाफग्गुणी हत्थो चित्तं च चत्तारि णक्खत्ताणि बूया । अवइद्दारेसु अणुराधा मूलो पुव्वासाढाओ सवणो चत्तारि णक्खत्ताणि 5 बूया । उत्तरदारेसु धणिट्ठा पुव्वापोट्ठपदाओ रेवती अस्सिणी य चत्तारि णक्खत्ताणि बूया । एयाणि तीसमुहुत्ताणि पण्णरस नक्खत्ताणि बूया । तत्थ पणतालीसमुहुत्ताणि पुव्वदारेसु रोहिणी पुणव्वसुं च दुवे णक्खत्ताणि जाणीया । दक्खिणद्दारेसु उत्तराफग्गुणीओ विसाहा चेव दुवे णक्खत्ताणि जाणीया । पच्छिमदारेसु उत्तरासाढा एगं णक्खत्तं जाणिया । उत्तरदारेसु उत्तरापोट्ठपदा एकं णक्खत्तं जाणीया । एवमेयाणि पणयालीसमुहुत्ताणि छ णक्खत्ताणि बूया । तत्थ पण्णरसमुहुत्ते पुव्वदारिए अई असिलेसं च दुवे णक्खत्ताणि जाणिया । दक्खिणदारेसु एकं साई णक्खत्तं बूया । पच्छिमद्दारेसु 10 जेटुं एक्कं णक्खत्तं बूया । उत्तरदारेसु सयभिसया भरणी य दुवे णक्खत्ताणि जाणिया । एयाणि पण्णरसमुहुत्ताणि छ णक्खत्ताणि बूया । अवरद्दारेसु जण्णं पण्णरसमुहत्तं अभितिं णक्खत्तं एकं णवमुहत्तं सत्तावीसं चे [सत्त]सट्ठिभागा मुहुत्तस्स जाणिया ।
तत्थ तीसमुहुत्ताणि समखेत्ताणि पनरस णक्खत्ताणि उवलद्धीहिं समखेत्तोवलद्धीहिं उवलद्धव्वाणि भवंति । पणयालीसमुहुत्ताणि छ णक्खत्ताणि दिवड्वखेत्ताणि दिवड्डखेत्तोवलद्धीहिं उवलद्धव्वाणि भवंति । पण्णरसमुहुत्ताणि अद्धखेत्ताणि 15 छ णक्खत्ताणि अद्धखेत्तोवलद्धीहि उवलद्धव्याणि भवति । तूणपण्णरसमुहत्तं तूणपण्णरसमुहुत्तोवलद्धीहि उवलद्धव्वं भवति । एयाणि अट्ठावीस णक्खत्ताणि दारतो खेत्तपविभत्तीहि य आधारयितुं आधारयितुं उवलद्धव्वाणि भवंति ।
तत्थ चलेसु चलाणि खिप्पाणि वा बूया-तत्थ चलाणि पुणव्वसू सवणो धणिट्ठा सतभिसय त्ति, तत्थ खिप्पेसु पुस्सो हत्थो अभियी अस्सिणीउ त्ति चत्तारि णक्खत्ताणि बूया । तत्थ दढामासे रोहिणीओ तिण्णि उत्तराणि चत्तारि णक्खत्ताणि बूया । दारुणेसु दारुणाणि बूया, तिण्णि पुवाओ महा चेति । तत्थ चत्तारि नक्खत्ताणि सव्वसत्थगताणि 20 उग्गाणि बूया, उग्गाणि पुण अस्सेस जेट्ठा मूलो अद्दा भरणी चेति पंच णक्खत्ताणि भवंति । तत्थ मिदूसु सव्वमित्तगते पसण्णेसु य मुदूणि बूया, तत्थ मुदूणि मिगसिरो चित्ता अणुराधा रेवति चत्तारि णक्खत्ताणि बूया । तत्थ साधारणेसु साधारणाणि बूया, साधारणाणि पुण कित्तिया विसाहा चेति दुवे णखत्ताणि बूया । तत्थ बंभेयेसु सव्वबंभणपडिरूवगते य अभियं बूया । तत्थ सव्ववण्हिगते सव्ववण्हिपडिरूवगते य सवणं बूया । तत्थ सव्ववसुगते धण-रयणगते य वसु-धण-रतणपडिरूवगते य धणिटुं बूया । तत्थ सव्वमदगते सव्वमदमज्जपडिरूवगते य सतभिसं बूया । तत्थ 25 सव्वअयगते सव्वअयपडिरूवगते य पोट्ठवदं बूया । तत्थ विवद्धिसंपयुत्ते सव्वविद्धिगते सव्वअभिवद्धिपडिरूवगते य उत्तरपोट्ठपदं बूया । तत्थ सव्वदाणगते विग्गहगते सव्वदाण-विसग्गपंडिरूव-सद्दपादुब्भावगते चेव रेवति बूया । तत्थ सव्वातिगच्छोवलद्धीहिं सव्वअस्सगते सव्वअस्सपडिरूवोवकरणगते य सव्वअस्सोपजीवीहि य एतेसामेव पडिरूवसद्दपादुब्भावे अस्सिणि बूया । तत्थ दीणं मदोवलद्धीहिं सव्वजमगते य जमपडिरूव-सद्दपादुब्भावे चेव भरणीओ बूया । तत्थ सव्वअग्गेयेसु अग्गिगते अग्गीउपलद्धीयं सव्वअग्गेयोपकरणे सव्वअग्गिदेवताए य अग्गिउवकरणे 30 सव्वकंटइरुक्खगते एवंविधेसु सद्द-रूवपादुब्भावे कत्तियाओ बूया । तत्थ पयापुत्तोपलद्धीयं पयावतिसद्द-रूवपादुब्भावेसु
१ रबंधुव हं० त० विना ॥ २ ‘साणिग्गह हं० त० विना ॥ ३ ताणि पण्णरसमुहुत्ताणि पण्णरस हं० त० विना ॥ ४ "चन्द्रस्याभिजिता योगे मुहूर्ता नव कीर्तिताः । सप्तषष्टिभुवोंऽशाश्च मौहूर्ताः सप्तविंशतिः ॥" लोकप्रकाशे सर्ग: २८ श्लोकः ३२३ पत्रं ३८० ॥ ५ च अट्ठभागा हं० त० ॥ ६ पण्णरस णक्खत्ताणि अट्ठणक्खत्ताणि छ णक्ख हं० त० विना ॥ ७ 'त्थ वत्ताणि णक्ख हं० त० ॥ ८ “सत्थाणिं गताणिं बूया सि० ॥ ९ गते दाणविग्ग हं० त० ॥ १० पडिसहरूवपा हं० त० विना ॥
www.jainelibrary.org.