Page Text
________________
१६६
अंगविज्जापइण्णयं सव्वआहारगते अत्थि जाणं ति बूया । तत्थ बज्झामासे चलामासे लुक्खामासे तुच्छामासे दीणामासे णपुंसकामासे सव्वणीहारगते य णत्थि जाणं ति बूया ।।
तत्थ जाणे पुव्वमाधारिते जाणं दुविधमाधारये-सज्जीवं णिज्जीवं चेति । तत्थ सज्जीवोवलद्धीयं सज्जीवं बूया । तत्थ अज्जीवोवलद्धीयं अज्जीवं । तं दुविधमाधारये-जलयरं थलयरं चेति । 5 तत्थ सव्वथलोपलद्धीयं थल विण्णातव्वं भवति । तत्थ सव्वआपुणेयेसु जलयरं विण्णातव्वं भवति । तत्थ
थलचरे सिबिका भद्दासणं पल्लंकसिका रधो संदमाणिका गिल्लि जुग्गं गोलिंगो सकडं सकडी चेति । तत्थ पुण्णामेहि पुण्णामं ति बूया । थीणामेहि थीणामं ति बूया । तत्थ उत्तमेसु सिबिका भद्दासणं वा विण्णेयं-पुण्मामेसु भद्दासणं, थीणामेसु सिबिका । सव्वसत्थगते सव्वसंगामगते य रधो विण्णेयो । तत्थ सव्वसयणगते पल्लंकसिका विण्णेया । तत्थ विपुलेसु विपुलं बूया । संवुतेसु संवुतं बूया । महव्वयेसु सकडं वा संदमाणिकं वा गिल्लिं वा बूया । मज्झिमकायेसु 10 सकडिं बूया । पच्चंवरकायेसु रधं गोलि[गं] वा बूया । स तत्थ उद्धंभागेसु उल्लायितं बूया । अधोभागेसु अणुल्लायितं
बूया । तत्थ दीहेसु सकडं वा गिल्लिं वा जुग्गं वा सकडि वा बूया । > परिमंडलेसु भद्दासणं वा रधं वा गोलिकं वा बूया । इति थलचराणि अज्जीवाणि जाणाणि बूया ।'
तत्थ णिज्जीवाणि जलचराणि-णावा पोतो कोट्टिबो सालिका तप्पको प्लवो पिंडिका कंडे वेलु तुंबो कुंभो दती चेति । तत्थ पुण्णामेसु पुण्णामाणि । थीणामेसु थीणामाणि । तत्थ महावकासेसु णावा पोतो वा विन्नेया । 15 मज्झिमकायेसु कोट्टिबो सालिका संघाडो प्लवो तप्पको वा विण्णेयो । मज्झिमाणंतरेसु कटुं वा वेलू वा विण्णेयो । पच्चंवरकायेसु तुंबो वा कुंभो वा दती वा विण्णेया । इति णिज्जीवाणि जलचराणि भवंति ।
तत्थ सज्जीवा जाणजोणी-अस्सा हत्थी उट्टा गो महिसा खरा अयेलका मका चेति । तत्थ उद्धंभागेसु सव्वसिगिसु य सव्वसंगलिकागते य संगलिकावत्थेसु सव्वगोसिधण्णगते य सिंगी विण्णेया । तत्थ अधोभागे सव्वअसंगलिकागते
य फल-वच्छेसु या सव्वअकोसीधण्णगते य असिंगी विण्णेया । तत्थ महावकासेसु हत्थी उट्टा महिसा वा विन्नेया । . 20 मज्झिमकायेसु अस्सा बलिवद्दा वा विन्नेया । मज्झिमाणंतरकायेसु मगे वा खरे वा बूया । पच्चवरकायेसु अए वा
एलके वा बूया । तत्थ सव्वहत्थिगते हत्थिउपजीविसु हत्थिउपकरणे हत्थिपडिरूवगते य सव्वहत्थिपादुब्भावे हत्थि बूया । तत्थ सव्वअस्सगते सव्वअस्सोपकरणे सव्वअस्सोपलद्धीयं अस्सपादुब्भावे य अस्सं बूया । तत्थ सव्वगोगते सव्वगोउपजीविसु सव्वगोउपकरणगते सव्वगोउपकरणणामधेज्जोदीरणे सव्वगोपादुब्भावे य बलिवदं बूया । तत्थ सव्वमहिसोपलद्धीयं महिससद्दरूवपादुब्भावे य एवमेव महिसं बूया । एवमेव सव्वउट्टोपलद्धीयं उट्टो विन्नेयो । 25 सव्वखरोपलद्धीयं खरो विन्नेयो । सव्वअयेलकोपलद्धीयं अयेलको विण्णेयो । एवमेव सव्वमगोपलद्धीयं मका विन्नेया । तत्थ गहणेसु अयेलकं विण्णेयं । उपग्गहणेसु य अवसेसा विण्णेया । तत्थ अब्भंतरभंतरेसु सकं जाणं विण्णेयं । बाहिरब्भंतरेसु याचितकं जाणं बूया । बाहिरेसु आधावितकं जाणं । बाहिरबाहिरेसु अपहरितकं जाणं । तत्थ वयस्थेसु अभिरामेसु य णवं बूया । अणभिरामेसु महव्वएसु य जुण्णं बूया । छिद्देसु दुट्ठितं जाणं । घणेसु सुद्रुितं जाणं बूया । आहारेसु कीतकं बूया, णीहारेसु विक्कीतं बूया । सामेसु पडिरूवं जाणं ति बूया ॥ ॥ इति खलु भो ! महापुरिसदिन्नाय अंगविज्जाय जाणजोणी णामाज्झायो
तेत्तीसतिमो सम्मत्तो ॥ ३३ ॥ छ ।
१ सव्वोपल' सं ३ पु० सि० । सव्ववलोपल हं० त० ॥ २ जलचरे सप्र० ॥ ३ जुग्गगोसंकडकडी हं० त० विना ।। ४ एतच्चिह्नान्तर्गतः पाठः हं० त० नास्ति ॥ ५ कोडिंबो हं० त० ॥ ६ वच्छेसु हं० त० ॥ ७ “सु अहावियकं हं० त० ॥ ८ नामज्झा हं० त० ॥
Jain Education International
For Private & Personal Use Only
www.jainelibrary.org
| SR No. | 001439 |
| Book Title | Angavijja |
| Original Sutra Author | N/A |
| Author | Punyavijay, Dalsukh Malvania, H C Bhayani |
| Publisher | Prakrit Text Society Ahmedabad |
| Publication Year | 2000 |
| Total Pages | 470 |
| Language | Prakrit |
| Classification | Book_Devnagari, Agam, Canon, Jyotish, & agam_anykaalin |
| File Size | 12 MB |