Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 264

एगूणतीसइमो णगरविजयज्झाओ
१६१ णिण्णेसु मूलखाणक-कुंभकारिक-इड्डकार-बालेपतुंद-सुत्तवत्त-कंसकारक-चित्तकारका विण्णेया। ओकिन्नेसु रूवपक्खरफलकारका विन्नेया । सव्ववद्धमाणेसु सीकाहारके-मड्डहारका विण्णेया । तत्थ अप्पणा पहतेसु कोसज्जवायका दिअंडकंबलवायका कोलिका चेव विण्णेया । उपहुतेसु सव्वओसधगते य वेज्जा विण्णेया । कायस्स परिमासे कायतेगिच्छका विण्णेया । थणेसु य सव्वसत्थगते सल्लकत्ता विण्णेया । अच्छिगते सालाकी, सव्वदेवगते भूतविज्जिका, बालेज्जेसु कोमारभिच्चा विण्णेया। सव्वपरिसप्पगते विसतिथिका विण्णेया । अब्भंतरेसु सिप्पपारगतं बूया । बाहिरब्भंतरेसु 5 मज्झिमं बूया । सव्वपाणजोणिगते वेज्ज-चम्मकार-हाविय-ओरब्भिक-गोहातक-चोरघाता विण्णेया । बाहिरेसु वि दढं बूया । सिवेसु मायाकारकं वा गोरीपाढकं वा लंखक-मुट्ठिक-लासक-वेलंबक-गंडकघोसकं बूया । सव्वछिद्देसु सव्वउपद्दुतेसु मोघं सिप्पं बूया । अवस्थितेसु उर्दुभागेसु सफलं सिप्पं बूया । अधोभागेसु निप्फलं सिप्पं बूया ॥ ॥ इति भो ! महापुरिसदिण्णाय अंगविज्जाय कम्मजोणी णाम अट्ठावीसतिमो अज्झाओ सम्मत्तो ॥ २८ ॥ छ ।
[एगूणतीसइमो णगरविजयज्झाओ]
अधापुव्वं खलु भो ! महापुरिसदिण्णाय अंगविज्जाय णगरविजयो णामाज्झायो । तं खलु भो ! तमणुवक्खस्सामो । तं जधा-तत्थ अस्थि णगरं णत्थि णगरं ति पुव्वमाधारयितव्वं भवति । तत्थ अब्भंतरामासे दढामासे णिद्धामासे सुद्धामासे पुण्णामासे मुदितामासे पुण्णामधेज्जे सव्वआहारगते य अस्थि णगरं ति बूया । तत्थ बज्झामासे सव्वणीहारगते य णत्थि णगरं ति बूया । तत्थ णगरे पुव्वमाधारिते समिद्धं न समिद्धं ति आधारयितव्वं भवति । तत्थ अब्भंतरामासादीसु समिद्धं णगरमिति बूया । तत्थ बज्झामासादिसु ण समिद्धं णगरं ति बूया । तत्थ णगरे पुव्वमाधारिते 15 बंभेयेसु सव्वबंभणपडिरूवगते य बंभणज्झोसियं ब्रूया, बंभणोसण्णं वा णगरं ति बूया । तत्थ खत्तेयेसु सव्वखत्तगते य सव्वखत्तपडिरूवर्गते खत्तियज्झोसियं वा खत्तिकोसण्णं वा णगरं ति बूया । वेस्सेज्ज(ज्जे)सु सव्ववेस्सपडिरूवगते य इस्स-झोसितं वा वेस्सोसण्णं वा णगरं ति बूया । सुद्देयेसु सव्वसुद्दपडिरूवगते य सुद्दज्झोसियं वा सुद्दोसण्णं वा णगरं ति बूया । तत्थ णगरे पुव्वमाधारिते थीणामं पुण्णामं ति पुवमाधारयितव्वं भवति । तत्थ पुण्णामेसु सव्वपुरिसपडिरूवगते य पुण्णामधेज्ज रायहाणि बूया । थीणामेसु सव्वइत्थिपडिरूवगते य थीणामधेज्जं साखानगरं वा बूया । दढेसु चिरनिविटुं 20 नगरं ति बूया । चलेसु अचिरनिविलृ णगरं ति बूया । णिद्धेसु बहुउदगं वा बहुवुट्ठीकं वा णगरं ति बूया । लुक्खेसु अप्पोदगं वा अप्पवुट्ठीगं वा णगरं ति बूया । बज्झेसु सव्वचोरपडिरूवगते य चोरवासो णगरं ति बूया । अब्भंतरेसु सव्वअज्जपडिरूवगते य अज्जो वासो णगरे त्ति बूया । आहारेसु अप्पणो णगरं ति बूया । णीहारेसु परणगरं ति बूया । दीहेसु दीहं णगरं ति बूया । परिमंडलेसु परिमंडलं ति बूया । चतुरस्सेसु चतुरस्सं ति बूया। कैसेसु सव्वमूलजोणीगते य कट्ठपागारपरिगतं णगरं ति बूया । थूलेसु इट्टगपागारं ति बूया । दक्खिणेसु दक्खिणोद्दागं णगरं ति बूया । वामेसु 25 वामोद्दागं णगरं ति बूआ । मज्झिमेसु पविलृ णगरं ति बूआ । पुधूसु वित्थिण्णं णगरं ति बूआ । गहणेसु गहणणिविटुं णगरं ति बूआ । उपग्गहणेसु आरामबहुलं णगरं ति बूया । उद्धंभागेसु उद्धनिविटुं पव्वते व त्ति बूया । णिण्णेसु णिण्णे वा निव्विगंदि पाणुप्पविटुं वा णगरं ति बूया । द्धेसु बहुवाधीतं वा णगरं ति बूया । मोक्खेसु अव्वाधितं
१ कारछावेपर्बुद हं० त० ॥ २ 'कनट्टहा" हं० त० ॥ ३ उपद्दवेसु हं० त० ॥ ४ कायएगिच्छका हं० त० ॥ ५ सालकी, सत्तदेवगते भूयवेधिका, बालेयेसु हं० त० ॥ ६ “समत्थिका हं० त० ॥ ७ "प्पकार हं० त० ॥ ८ 'बकगंतुकयोसकं हं० त० ॥ ९ माहारियव्वं हं० त० ॥ १० णत्थि घरं ति सप्र० ॥ ११ आहारियव्वं हं० त० ॥ १२ गते पुण्णामधेज्जं तं वा खत्तिकोसण्णं हं० त० विना ॥ १३ वइस्सिज्झो सप्र० ॥ १४ 'माहारियव्वं हं० त० ॥ १५ केसेसु हत० ॥ १६ मूलेसु हं० त० ॥ १७ उच्चनिवि हं० त० विना ॥ १८ वट्टेसु सं ३ पु० सि० । वहेसु हं० त० ॥