Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 190

१४ पण्णासं बाहिरब्भंतराणि] णवमो अंगमणी णाम अज्झाओ
अतिदूरे पविट्ठो त्ति अतिगतो त्ति व दूरत । दूरातिसरितो व त्ति दूरोगाढो त्ति वा पुणो ॥ ७९९ ॥ तधा अणुपविट्ठो त्ति तधा अतिगतो त्ति वा । तधा गाढोपगूढे त्ति गाढलीणं ति वा वदे ॥ ८०० ।। तधा अल्लीणमल्लीणो अच्चल्लीणो त्ति वा वदे । अब्भंतरब्भंतरगो एते सद्दा समा भवे ॥ ८०१ ॥ ___ अक्कप्पविढे णक्खत्ते देवते पणिधिम्मि य । पुप्फे फले व देसे वा णगरे गामे गिहे वि वा ॥ ८०२ ॥ पुरिसे चतुष्पदे चेव पक्खिम्मि उदकेचरे । कीडे किविल्लगे चेव परिसप्पे तधेव य ।। ८०३ ॥ पाणे वा भोयणे वा वि वत्थे आभरणे तधा । आसणे सयणे जाणे भंडोवगरणेसु य ॥ ८०४ ॥ लोहेसु यावि सव्वेसु सव्वेसु रयणेसु य । मणीसु यावि सव्वेसु सव्वधण्ण-धणेसु य ।। ८०५ ॥ एतम्मि पेक्खियामासे सद्दे रूवे तधेव य । सव्वमेवाणुगंतूणं ततो बूयांगचिंतओ ॥ ८०६ ॥
॥ अब्भंतरब्भंतराणि सम्मत्ताणि ॥ १३ ॥ छ ।
[१४ पण्णासं बाहिरब्भंतराणि]
10 अब्भंतरा तु निम्मट्ठा बाहिरब्भंतरा तु ते । अब्भंतराणंतरिया अध वुत्ता सुभा-ऽसुभा ॥ ८०७ ॥ अत्थलाभं जयं वद्धि जं चऽण्णं सुभं भवे । एताणि आमसं पुच्छे बाहिरब्भंतरं वदे ।। ८०८ ।। पुरिसं च परिपुच्छेज्ज बाहिरब्भंतरं भवे । इत्थि च परिपुच्छेज्ज बाहिरब्भंतरा भवे ॥ ८०९ ॥ पुरिसस्सऽत्थविधं पुच्छे बाहिरब्भंतरं भवे । थिया अत्थविधं पुच्छे बाहिरब्भंतरं वदे ॥ ८१० ॥ कण्णं च परिपुच्छेज्ज बाहिरब्भंतरस्स तु । खिप्पं विज्जिहिति कण्णा एवं बूयांगचिंतको ।। ८११ ॥ 15 गब्भं च परिपुच्छेज्ज अस्थि गब्भो त्ति णिद्दिसे । गब्भिणी परिपुच्छेज्ज खिप्पं पुत्तं पयाहिति ॥ ८१२ ।। कम्मं च परिपुच्छेज्ज बाहिरब्भंतरं वदे । पडिहारं संधिवालं वा तधा अत्थोपणायकं ॥ ८१३ ॥ पवासं परिपुच्छेज्ज सफलोऽयमिति णिद्दिसे । पउत्थं परिपुच्छेज्ज सधणो आगमिस्सति ॥ ८१४ ।। बंधं च परिपुच्छेज्ज णत्थि बंधो त्ति णिद्दिसे । बद्धस्स मोक्खं पुच्छेज्ज मोक्खं तस्स वियागरे ॥ ८१५ ॥ भयं च परिपुच्छेज्ज भयो णत्थि त्ति णिद्दिसे । खेमं च परिपुच्छेज्ज खेममत्थि त्ति णिद्दिसे ॥ ८१६ ॥ 20 संधि वा परिपुच्छेज्ज अस्थि संधि त्ति णिद्दिसे । विग्गहं परिपुच्छेज्ज णत्थि त्तेवं वियागरे ॥ ८१७ ।। जयं च परिपुच्छेज्ज जयो अत्थि त्ति णिद्दिसे । आरोग्गं परिपुच्छेज्ज आरोग्गमिति णिदिसे ॥ ८१८ ॥ रोगं च परिपुच्छेज्ज णत्थि रोगो त्ति णिद्दिसे । मरणं च जति पुच्छेज्ज णत्थि त्तेवं वियागरे ॥ ८१९ ॥ जीवितं परिपुच्छेज्ज अत्थि तेवं वियागरे । आबाधितं च पुच्छेज्ज समुट्ठाणंऽस णिद्दिसे ॥ ८२० ॥ अणावुढेि च पुच्छेज्ज णत्थि तेवं वियागरे । वस्सारतं च पुच्छेज्ज मज्झिमो त्ति वियागरे ॥ ८२१ ॥ 25 अपातयं च पुच्छेज्ज णत्थि त्तेवं वियागरे । वासं च परिपुच्छेज्ज मज्झिमं वासमादिसे ॥ ८२२ ॥ कया वासं ति वा बूया संधीदिवसेसु णिद्दिसे । दिवा रत्तिं ति वा बूया संझाकाले त्ति णिद्दिसे ॥ ८२३ ॥ सस्सस्स वापदं पुच्छे णत्थि तेवं वियागरे । सस्सस्स संपयं पुच्छे मज्झिमा सस्ससंपदा ॥ ८२४ ॥ णटुं च परिपुच्छेज्ज लाभं तस्स वियागरे । णट्ठमाधारयित्ता य बाहिरब्भंतरं वदे ॥ ८२५ ॥ अब्भंतरं ति बझं ति बाहिरब्भंतरं वदे । धणं धण्णं ति पुच्छेज्ज मज्झिमं ति वियागरे ॥ ८२६ ॥ 30 जं किंचि पसत्थं तं सव्वमत्थि ति णिद्दिसे । अप्पसत्थं च जं किंचि सव्वं णत्थि त्ति णिद्दिसे ॥ ८२७ ।। तधा खेत्तं तधा वत्थु खग्गं दंडं मणि तधा । सव्वं सज्जीव-णिज्जीवं मज्झागतमत्थि य ॥ ८२८ ॥