Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 179

अंगविज्जापइण्णय
[६ सत्तरस जं [च] किंचि पसत्थं तं सव्वं णत्थि त्ति णिदिसे । अप्पसत्थं च जं किंचि सव्वमत्थि त्ति णिद्दिसे ॥ ४६७ ।। सत्तमाभिजणं जाति आयारं विणयक्कम । असुभं अप्पसत्थं च वामभागेसु णिद्दिसे ॥ ४६८ ॥ जधा थीणामधेयाणं फलं वुत्तं सुभा-ऽसुभं । तेधेव सव्वं वामाणं फलं बूया सुभा-ऽसुभं ॥ ४६९ ॥
तधा खेत्तं तधा वत्थु सव्वं णत्थि त्ति णिद्दिसे । समे सद्दे य जाणेज्जा वामे जे मणिके मया ॥ ४७० ॥ उत्तरं ति व वामं ति वामावट्टो त्ति वा पुणो । वामसीलो त्ति वा बूया वामायारो त्ति वा पुणो ॥ ४७१ ॥ वामपक्खं ति वा बूया [वामदेसं ति वा] पुणो । वामभागं ति वा बूया वामतो त्ति व जो वदे ॥ ४७२ ॥ अपवामं ति वा बूया अपसव्वं ति वा वदे । अवसव्वं ति वा बूया अप्पग्धं ति वा पुणो ॥ ४७३ ।। जं चऽण्णं एवमादीयं समासेण य वासतो । ये वऽण्णे वामतो सद्दा वामतो मणिके मता ॥ ४७४ ॥ णखत्ते उत्तरद्दारे देवते पणिधिम्मि य । पुप्फे फले व देसे वा णगरे गाम-गिहे वि वा ॥ ४७५ ॥ पुरुसे चतुप्पदे वा वि पक्खिम्मि उदगेचरे । कीडे किपिल्लके वा वि परिसप्पे तधेव य ॥ ४७६ ॥ पाणे वा भोयणे वा वि वत्थे आभरणे तधा । आसणे सयणे जाणे भंडोवगरणेसु य ॥ ४७७ ॥ लोहेसु यावि सव्वेसु सव्वेसु रतणेसु य । मणीसु यावि सव्वेसु सव्वधण्ण-धणेसु य ॥ ४७८ ॥ एतम्मि पेक्खियामासे सद्दे रूवे तधेव य । सव्वमेवाणुगंतूणं ततो बूयांगचिंतओ ॥ ४७९ ॥
॥ वामाणि सम्मत्ताणि ॥ ५ ॥ छ ।
[६ सत्तरस मज्झिमाणि] सत्तरस मज्झिमाणंगे पवक्खामऽणुपुव्वसो । मत्थको पढमं वुत्तो १ ततो सीमंतको भवे २ ॥ ४८० ॥ ललाडं ३ भूमकंतरवंसो ४ तधा णासाय पुत्तको ५ । णासा ६ ओट्ठा य ८ भवे उरो ९ जत्तुत्तरं तधा १० ।। ४८१ ।।
हिदयं ११ थणंतरं १२ णाणी (णाभी) १३ लोमवासी १४ तधोदरं १५ ।
मेहणं १६ वत्थिसीसं च १७ मज्झिमाणाऽऽभवंतिह ॥ ४८२ ।। 20 एताणि आमसं पुच्छे अत्थलाभं जयं तधा । जं [च] किंचि पसत्थं [सा] सव्वमत्थि त्ति णिद्दिसे ॥ ४८३ ॥
पुरिसं परिपुच्छेज्ज सिद्धत्थो सुभगो त्ति य । धण्णो य सुहभागी य भातीणं मज्झिमो भवे ॥ ४८४ ।। रायमंती भवे सो य णातीणं मज्झिमो भवे । मज्झत्थसीलमायारो सव्वत्थेसु भवे णरो ॥ ४८५ ॥ इत्थि च परिपुच्छेज्ज सिद्धत्था अपरायिता । धण्णा य सुहभागी य भगिणीसु य मज्झिमा ॥ ४८६ ॥ णातीसु मज्झिमं लभते भत्तारम्मि य वल्लभा । मज्झत्थसीलमायारा सव्वत्थेसु य सा भवे ॥ ४८७ ॥ पुरिसस्सऽत्थविधि पुच्छे मज्झिमं ति वियागरे । [थिया अत्थविधि पुच्छे मज्झिमं ति वियागरे ॥ ४८८ ॥] कण्णं च परिपुच्छेज्ज सिद्धत्था सुभग त्ति य । धण्णा य सुहभागी य ण य खिप्पं निग्गमिस्सति ॥ ४८९ ॥ . गब्भं च परिपुच्छेज्ज अस्थि गब्भो त्ति णिद्दिसे । गब्भिणि परिपुच्छेज्ज खिप्पं सा पयाहिति ॥ ४९० ॥ कता पयाहिती व त्ति पक्खसंधिम्मि णिद्दिसे । कम्मं च परिपुच्छेज्ज रायमभंतरं वदे ॥ ४९१ ॥ पवासं परिपुच्छेज्ज सफलं ति वियागरे । पउत्थं परिपुच्छेज्ज सधणो आगमिस्सति ॥ ४९२ ॥ सवि पावासिकं पुच्छे कता सो आगमिस्सति । अंगवी आगमं तस्स पक्खसंधिम्मि णिद्दिसे ॥ ४९३ ॥ < बंधं च परिपुच्छेज्ज णत्थि बंधो त्ति णिद्दिसे । - बंधस्स मोक्खं पुच्छेज्ज अस्थि मोक्खो ति णिद्दिसे ।। ४९४ ।। कता मुच्चिहिती व त्ति जो णरो परिपुच्छति । अंगवी तस्स मोक्खं तु पक्खसंधिम्मि णिद्दिसे ॥ ४९५ ॥ पवासं परिपुच्छेज्ज णत्थि त्तेवं वियागरे । पतिटुं परिपुच्छेज्ज अस्थि त्तेवं वियागरे । ४९६ ॥ पतिटुं णिव्वुर्ति पीति संजोगं च समागमं । जं इटुं परिपुच्छेज्ज सव्वमत्थि त्ति णिदिसे ॥ ४९७ ॥
१ ‘यक्खमं हं० त० विना ॥ २ तं चेव सव्ववामा हं० त० ॥ ३ अपव्वामं हं० त० विना ॥ ४ अवसव्वं हं० त० विना ॥ ५ <D एतच्चिह्नगतं पूर्वार्द्ध हं० त० नास्ति ॥ ६ सनामकं हं० त० ॥
30