Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 148

एगवीसतिमं अप्पुट्ठितविभासापडलं ]
अमो भूमीकम्मऽज्झाओ
दक्खिणपस्सपंडणे पुरिसापायं पवेदये । वामपस्सेण पडणे थियाऽपायं पवेदये ॥ २१ ॥ पडिते णिकुज्जके वा वि संपत्ते वि य मैदणि । पराजैए जयं बूया भूमीलाभं च अंगवी ॥ २२ ॥ पडिबाहमाणे पडिते हाणि चेट्ठा य णिद्दिसे । णिस्सट्ठपडिते वा वि चौर - मच्चुभयं भवे ॥ २३ ॥ पडणा वि खलियं वा वि बूया अंगविभागसो । पडणा मुच्छिते वा वि वाधि- मच्चुभयं भवे ॥ २४ ॥ मक्खिते वा वि अंगाणं इट्ठा ऽणिट्ठेहि अंगवी । मक्खितप्पविभागेणं फलं बूया सुभासुभं ॥ २५ ॥ संयणे पवडणे कीडं आसणे आसणं वदे । जाणे जाणगतं बूया पवयणपडिरूवतो ॥ २६ ॥ पुप्फ-फलेसु बीएसु हरिते संघण - भूसणे । अच्छादणे वाहणे वा यो पते तु णिकुज्जको ॥ २७ ॥ तेसु लाभं वियाणीया पडिते इस्सरियम्मि य । पासिकुत्ताणके विज्जा वयंतेहिं तु संसियं ॥ २८ ॥ उच्छंगे णर-णारीणं जो पंते परिपुच्छको । थी- पुमंसविभागेणं संजोगं पतिवेदये ॥ २९ ॥ चतुष्पदे पदे जो तु आलिंगे पडितो तु जो । तस्स लाभं पंवेदिज्जा पंसुठाणे विपज्जयो ॥ ३० ॥ दव्वमण्णतरं गज्झ यो पडेज्ज तु पुच्छको । हाणि सत्तनिमित्ताकं अत्थहाणि च णिद्दिसे ॥ ३१ ॥ गहितम्मि पतज्जणट्टे वा वैज्जते भिण्ण-लोलिते । हाणि हाणि पवेदेज्जो तज्जातपडिरूवतो ॥ ३२ ॥ गहितम्मि अविणटुम्मि अणिकुज्जे अलोलिते । अमुत्ते सुपरिग्गहीतम्मि हाणितो वद्धिमादिसे ॥ ३३ ॥ पडंतो जाणि मिल्लेति विक्खरइ जो णियं वयं । जं उवगेण्हे तं ते य तस्स भागी भवे तु सो ॥ ३४ ॥ जाणि जाणि य पीडेति पडतो जाणि वाँ खिरे । तेहिं ते य जाणिस्स पडते जाणि विक्खिरे ॥ ३५ ॥ 15 इट्ठम्मि य पडे जो तु सुहं लेसं अपीलये । तस्स तेणं गुणं बूया विवरीते विवज्जयो । पडिताणं विधी एसो तच्चसो पविभावये । पुव्वुद्दिट्ठेहिं वत्थूहिं ततो बूयांगचितको ॥ ३७ ॥ ॥ भूमीकम्मे पडितविभासाणामज्झाओ ॥ २० ॥ छ ॥
३६ ॥
[ एकवीसतिमं अप्पुट्ठितविभासापडलं ]
पडिताणं विधी एसो उत्तो सव्वो समासतो । अप्पुट्ठिताणेक्कवीसं कित्तयिस्सं विभागसो ॥ १ ॥ पुरिमं १ पच्छिमं चेव २ वामतो ३ दक्खिणेण य ४ । दक्खिणं पुरिमे भागे ५ पच्छिमं दक्खिणेण य ६ ॥ २ ॥
पच्छिमं वामभागम्मि ७ वामेण य पुरत्थिमं ८ । दिसाणं पविभागेहिं अट्ठ अप्पुट्ठिताणि तु ॥ ३ ॥ अकामकं च ९ दीणं च १० कुद्धेणऽप्पुट्ठितं च जं ११ । विलितं अप्पुट्ठितं चेव १२ तधा संकुचणुट्ठितं १३ ॥ ४ ॥ आसत्थं च १४ उदग्गं च १५ पहट्टं च तधुट्ठितं १६ । गारवा १७ बहुमाणेणं १८ अॅसल्लीणुट्ठितं तधा १९ ॥ ५ ॥
सद्दे इट्ठे तधामासे भवे अप्पुट्ठितं तधा २० । असुयामाससद्दम्मि २१ इति वुत्ताणेकवीसति ॥ ६ ॥
१ पडिणि हं० त० ५ पुच्छिते यावि हं० त० ॥ ९ पए परिपुच्छर हं० त० ॥।
४५
॥
२ मेदिणं सप्र० ॥ ३ 'जयं जये बूया हं० त० विना ॥ ४ चार मत्तुभयं हं० त० विना ॥ ६ सजणो पवजणे हं० त० ॥ ७ सवण हं० त० ॥ ८ संहितं हं० त० विना ॥ १० पवेदेज्जो पसुं दाणे पविज्जयो हं० त० विना ॥ ११ वज्जिए भिण्ण-लोहि (ट्टि) ए हं० त० ॥ १२ जो वयं सि० विना ॥ १३ उवगेण्हं तं हं० त० विना ॥ १४ वोखरे हं० त० विना ॥। १५ जाण विक्खरे
हं० त० ॥ १६ उच्चसो हं० त० विना ॥। १७ भागं तु वा हं० त० ॥ १८ असण्णीणु हं० त० विना ॥
Personal Use Only
For Private
5
10
20
25