Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 133

10
15
अंगविज्जापइण्णयं
[णवमं अपस्सयजुण्णो वि जज्जरो कुड्डो सव्वत्थीके णिरत्थको । णवो दढो उज्जुको य सव्वत्थीके पसस्सते ॥ १०६ ॥ मट्ठो चित्तो य सुद्धो य दढो वा वी सुभो तधा । अपस्सयत्थे कुड्डो सव्वत्थे पूयितो सदा ॥ १०७ ॥ कंडितो अलित्तो तणकुड्डो तधा कणगपासितो । कुड्डापस्सया एते असारा ण प्पसस्सते ॥ १०८ ॥ चित्तिको मज्झयक्खंभो उज्जुकस्सो पसस्सति । जज्जरो फलितो भिण्णो सव्वत्थेसु ण पूयितो ॥ १०९ ॥ पासादस्स तधा खंभो धारणो य गिहस्स जो । णावाखंभों झयक्खंभो दगलट्ठी य पूयिता ॥ ११० ॥ दीवरुक्खस्स लट्ठी [य] णिव्वज्जा उज्जुका थिरा । एते अत्थगते इट्ठा पसत्था य अपस्सता ॥ १११ ॥ पीडोलकस्स खंभो छायाखंभो मतस्स य । चल भग्गो य भिण्णो य सव्वे थंभा ण पूयिता ॥ ११२ ॥ पुष्फिया फलिया णीला चेतिता खीरपादपा । अपस्सते पसत्था या सव्वत्थीगगते सुभा ॥ ११३ ॥ णिपुप्फो णिप्फलो सुक्खो जो य कंटकिपायवो । दड्डो भिण्णो य भग्गो य सव्वत्थीके ण पूयितो ॥ ११४ ॥ सोम्मा उ अवक्खित्ता उदत्ता सव्वचेतितपादवा । अपस्सया पसस्संते सव्वत्थीकै कते सुभे ॥ ११५ ॥ अणभियिता चला भिण्णा उच्छुद्धा झामिता तधा । खंड-भग्गा विसिण्णा य अपत्थंभे ण पयिता ॥ ११६ ॥ तणभारो वि वा णीलो णीलो वा पण्णवोट्टलो । पोट्टलो फल--मूलाणं पुप्फाणं च पसस्सते ॥ ११७ ॥ पहट्ठा अकिलिट्ठा य सव्वत्थीके पसस्सते । हरितापस्सता सव्वे मिलाणा ण प्पसस्सते ॥ ११८ ॥ केला घतस्स तेल्लस्स सुराकुंभो अरंजरो । भायणं बीयपुण्णं वा सव्वत्थीगे पसस्सते ॥ ११९ ॥ मणि-मुत्त-हिरण्णाणं तधा अच्छादणस्स य । मंजूसा पडिपुग्णा वा अपत्थंभेसु पूयिता ॥ १२० ॥ दधि-दुद्धस्स पुण्णा य परिपुण्णा भोयणस्स य । गुल-लवणस्स मज्जस्स परिपुण्णाऽपस्सया सुभा ॥ १२१ ॥ एते अपस्सया सव्वे भायणेसु सुपूयिता । णिव्वुत्तीणं पसत्थाणं सत्थाणं अत्थसाधका ॥ १२२ ॥ पुण्णाणि तु एताणि उत्तमत्थकराणि तु । ऊणेसु किंचि परिहाणी उत्तमस्स पकित्तिता ॥ १२३ ॥ रित्तकेसु तु एतेसु मज्झिमा अत्थसंपदा । एलोट्टितं वा भिण्णं वा सव्वत्थीके णिरत्थकं ॥ १२४ ।। थलिका सिला तडं वा वि थावरेसु पसस्सते । आगमे णिग्गमे वा वि चरेसु णि (ण) पसस्सते ॥ १२५ ॥ तणस्स भारो सुक्खो [वा] सुक्खो वा पण्णपोट्टलो । फल-पुष्फपोट्टला सुक्खा सव्वत्थीके ण पूयिता ॥ १२६ ॥ विसाणं अट्टिकं कटुं सव्वत्थीके ण पूयितं । इंगाल-छारिका पुंसु (पंसु) सव्वत्थीके ण पूयितं ॥ १२७ ॥ कटुं वा सयणं वा वि आसणं जाणमेव य । सेलो तडो व भित्ती बा दड्डा चेते ण पूयिता ॥ १२८ ।। पराजयमणारोग्गं अत्थहाणिमणिव्वुर्ति । विसंजोगं च जाणीया झामियापस्सये विदू ॥ १२१ ।। सजीवेसु य सज्जीवं अत्थं बूया वियक्खणो । अज्जीवेसु य अज्जीवं अपत्थद्धेसु णिदिसे ॥ १३० ॥ चउप्पदे अपत्थद्धो अत्थं पुच्छति अंगविं । चउप्पयं वा जाणं वा अस्थि त्तेवं वियागरे ॥ १३१ ॥ धण्णम्मि य अपत्थद्धो अंगवी परिपुच्छति । वासारत्तं व अग्धं वा सव्वमेत्थं पवेदये ॥ १३२ ।। जाणम्मि [य] अपत्थद्धो अंगवि परिपुच्छति । गमणं वा पवासं वा सव्वमत्थि त्ति णिद्दिसे ॥ १३३ ॥ अपस्सयेसु सव्वेसु अत्थो से-परसंसितो । अणापस्सयरूवेसु भवे अत्थो असंसितो ॥ १३४ ॥ जाणे वा वाहणे वा वि अपत्थद्धो तु पुच्छते । चले पवासं मोक्खं च अचले अत्थमादिसे ॥ १३५ ।।
25
30
१मत्तो चित्तो य मुद्धो य हं० त० ॥ २ कलितो अलितो तणकुड्डो तहा कडमपासितो हं० त० ॥ ३ मज्झकुंभो य उ हं० त० ।। ४ 'भो य पक्खंभो हं० त० ॥ ५ पड्डोलकस्स खंभा मो० ली० सि० । पड्डोलक्खस्स खंभा सं० ॥६ चलरुक्खा य हं० त० ॥ ७ के हथे सुभे हं० त० ॥ ८ उच्छुढा हं० त० ॥ ९ सामिता हं० त० विना ॥ १० "लवणं समणुज्जस्स हं० त० ॥ ११ णिव्वत्तीणं हं० त० ॥ १२ अत्थाणं हं० त० विना ।। १३ चरणे पुण पस हं० त० ॥ १४ सामियावसये हं० त० विना ॥ १५ अप्पसत्थेसु सप्र० ॥ १६ सपरसंतितो सं३ । समरसंतितो सि० ॥ १७ असंतितो सि० ॥