Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 107

अंगविज्जापइण्णयं पिया-ऽभिरामो कंतीए जुत्तो रूवेण रूपवं । अखुयाचार-सीलेणं चारित्तगुणसालिणा ॥ ७ ॥ पसत्थलक्खणोपेए उत्तमा-ऽभिजणागई । सर-सत्तसमाउत्तो गइ-गारवसारवं ॥ ८ ॥ अलुद्धो धिइमंतो य धेम्मिको धम्मजीवणो । धम्मसुई धारयिता धम्मे धणियणिच्छयो ॥ ९ ॥ अकोधणो अफरुसो अत्थद्धो ण य कक्कसो । अपरोवयावी णियओ अतिण्हो ण य आइलो ॥ १० ॥ अपरिसावी थिमिओ अपावो अणुसूरको । आयरियमोवादकरो रिजू अपरिभावको ॥ ११ ॥ जिणसासणाणुरत्तो सोम्मो दंसणकोविदो । णिच्चोपजुत्तो आभोगे जुत्तजोगो समाहिओ ॥ १२ ॥ मधुरालाव-संलावरो णिट्ठियभासओ । आदेयवक्को सुगिरो वायो-गइविसारदो ॥ १३ ॥ णिधाणं सुरहस्साणं अत्थे अभिणिवेसवं । तच्चित्तो तम्मणो णिच्चं आधारे दोसणिच्छयो ॥ १४ ॥ णिम्ममो णिरहंकारो णापमाणी परम्मि य । देवे य सम्माणइता गुरुं माणइता सया ॥ १५ ॥ उग्गेण्हंतो य ऊहाय अपायोपायधारको । चउप्पकाराय वि हु जुत्तो बुद्धीय बुद्धिमं ॥ १६ ॥ दक्खो दक्खिण्णवं णिउणो णीयावत्ती पियंवदो । परस्स चित्तग्गहणे उपायपरिणिट्ठिओ ॥ १७ ॥ जियमाणो जियकोहो जियमाई जियसंसओ । जियलोभो जियभयो जियणिदो जिइंदिओ ॥ १८ ॥ असाहसो अचवलो अवस्थियमवेगिओ । अणुब्भडो अरभसो अणुज्जलमचंचलो ॥ १९ ॥ समयाधिगओ पुव्वं जिणसासणणिच्छिओ । उव्वत्तजोव्वणो किंचि विज्जागहणपच्चलो ॥ २० ॥ बुद्धिमं गूढमंतो य गुरूणं वयणे रओ । चित्तमुत्तममेधावी धारणोपायकोविदो ॥ २१ ॥ विणीयविणओ दंतो साधुजुत्तो दढव्वयो । णीरोगो साहुसंपन्नो सच्चसंधो यदाणओ ॥ २२ ॥ विज्जा-चरणसंपन्नो आसं गंधविसारदो । आदेज्जवयणो सूरो कयण्णू णयकोविदो ॥ २३ ।। इंगियाकारकुसलो पंडिओ पइभाणवं । अहिणंदियसवग्गो जितसाहस-मच्छरी ।। २४ ॥ पंडिपुण्णंग-पच्चंगो देस-कालविसारदो । खिप्पकारमसंभंतो तव्विज्जाणुमओ सया ॥ २५ ॥ परिसाहसतो लज्जो तहा बहुगयागमो । सदा गुरुहिते जुत्तो मधुरो परमणेव्वुओ ॥ २६ ॥ अभीओ हीणलोभो य ण प्पमायी तहेव य । जो विरुद्धाणि साहूणं णायरे ण ई मुज्झइ ॥ २७ ॥
सहसीलमदंतं वा अभत्तीण व जो सणे | साहसीमप्पसंतं वा विज्जामेए ण गाहए ॥ २८ ॥ थद्धो चंडो पमादी य रोगी अविणीओ तहा । मिच्छद्दिट्टी व जो मिच्छो अंगं से णाभिजाणइ ॥ २९ ॥ G अरहंता-ऽऽयरिअपरो सम्मद्दिट्ठी चरित्तवं । ॐ सुई अमाई मेहावी सीसो से परिकित्तिओ ॥ ३० ॥ समहत्थ-पादो समगत्तो समसंठाणसंठिओ । सुतवितेहिं सोतेहिं अंगं सो अभिजाणई ॥ ३१ ॥ मिदुहत्थ-पादो मिदुगई मिदुलोमो मिदुच्छवी । मिदुआलाव-संलावो अंगं से अभिजाणई ॥ ३२ ॥ हस्सेण हत्थ-पादेण मिदुणा सप्पभेण य । उजु-वट्ट-दीहगत्ते य अंगं से अभिजाणई ॥ ३३ ॥ सुहुम-प्पसण्णदिट्ठी य अणिट्ठरे मणवित्तओ । एवंलक्खणसंपण्णे अंगं समभिजाणई ॥ ३४ ॥
१ अक्खुताचा हं० त० । अक्खयाचा सि० ॥ २ धम्मिओ धम्मजीवओ हं० त० ॥ ३ हस्तचिह्नमध्यगतः पाठः हं० त० एव ॥ ४ अक्कोहणो हं० त० ॥ ५ आविलो सि०॥ ६ अपरिभावी विसिओ अपावोऽणसूरए हं० त० ॥ ७ सोमो हं० त० ॥ ८ जोगजुत्तो सि० ॥ ९ परिणि हं० त० ॥ १० नायोगइ हं० त०॥ ११ णिधाणमरह सि० विना ॥ १२ आहारो दोस' हं० त० ॥ १३ ओगिर्णिहतो हं० त० ॥ १४ य जहाय सप्र० ॥ १५ अप्पाओपा” हं० त० ॥ १६ जियकोधो सि० । जियकोधी सं ३ पु० ॥ १७ गुरुणो सि० ॥ १८ संपत्तो सं ३ पु० ॥ १९ पइसावणं हं० त० विना ॥ २० “यसव्वंगो सि० । 'यमव्वग्गो हं० त० ॥ २१ परिपु हं० त० ॥ २२ कारीम हं० त० ॥ २३ लज्जू हं० त० ॥ २४ तहा तम्मग्गगाहगो सि० । तहा त...मगा............. । सं ३ पु० ॥ २५ य हं० त० ॥ २६ लमुदंतं सप्र० ॥ २७ सहसी' हं० त० विना ॥ २८ हस्तचिह्नान्तर्गतं पूर्वार्द्ध हं० त० एव वर्तते ॥ २९ मुसवितेहिं हं० त० विना ॥