________________
वासहिमो संधि
खंडव-डामरु चाव-करु ___णारायण-किय-साहेजउ । कणय-कइद्धउ दिव्व-रहु पर-वलु पइसरइ धणंजउ ॥१॥
[१]
(मात्रा) रहहो दूसहु चक्क-विक्कार गंडीवहो विसमु रउ अइ-रउरउ सरु देवयत्तहो । तिहिं वहिरिउ कुरुव-वलु समुहु को-वि णउ णरहो जंतहो ।।
(मंजरी) सर भमंति कोसावहि चउहु-मि पासेहिं ।
पहरणाई परिचत्तई सुहड-सहासेहिं ।। परिसक्कइ रहवर जेम जेम णासंति धणुद्धर तेम तेम फुटुंति दिसो-दिसि रिउ-वलाई मंदरहो जेम जलणिहि-जलाई तो णरहो वलिय विदाणुविद णं सीहहो मत्त महागइंद णं चिरु जमलज्जुण महुमहासु णं चंदाइच्च महा-गहासु कंचण-रह कंचण-चाव-दंड कलहोय-विंदु-चित्तलिय-कंड धवलायवत्त धूवंत-चिंध दुव्वार-वइरि-वाहिणि-णिसिद्ध १०. चउसट्ठि-पिसक्केहि पिहिउ पत्थु सत्तरिहिं सउरि सारंग-हत्थु सरसउ सारिच्छ-भुवंगमाहं लाइउ अट्ठदहेहि तुरंगमाहं
वाणेहिं णवहिणवहिणरेण वे-वारउ छिण्णइं चावई । दुट्ठ-कलत्तइ जिह थियई णिग्गुणई अणुज्जुअ-भोवई ॥१४
Jain Education International
For Private & Personal Use Only
www.jainelibrary.org
