Page Text
________________
५८६
अयधवलासहिदे कसायपाहुडे
पयडीए मोहणिज्जा विहत्ती तह हिदीए अणुभागे ।
उक्कस्समणुकस्सं झीणमझीणं च हिदियं वा ॥२२॥ पदच्छेदो । तं जहा-'पयडीए मोहणिज्जा विहत्ति' त्ति एसा पयडिविहत्ती १ । 'तह हिदि' चेदि एसा द्विदिविहत्ती २। 'अणुभागे' त्ति अणुभागविहत्ती ३ । 'उकस्समणुक्कस्सं' त्ति पदेसविहत्ती ४ । 'झीणमझीणं त्ति ५। हिदियं वा ति ६। तत्थ पयडिविहत्तिं पण्णइस्सामो।
पैयडिविहत्ती दुविहा, मूलपयडिविहत्ती च उत्तरपयडिविहत्ती च । मुलपयडिविहत्तीए इमाणि अठ्ठ अणियोगद्दाराणि । तं जहा-सामित्तं कालो अंतरं, णाणाजीबेहि भंगविचओ कालो अंतरं भागाभागो अप्पाबहुगेत्ति । एदेखें अणिओगद्दारेसु परूविदेसु मूलपयडिविहत्ती समत्ता होदि ।
तदो उत्तरपयडिविहत्ती दुविहा, एगेग उत्तरपयडिविहत्ती चेव षयडिट्ठाण उत्तरपयडिविहत्ती चेव । तत्थ एगेग उत्तरपयडिविहत्तीए इमाणि अणियोगद्दाराणि । तं जहा, एगजीवेण सामि कालो अंतरं, णाणाजीवेहि भंगविचयाणुगमो परिमाणाणुगमो खेत्ताणुगमो पोसणाणुगमो कालाणुगमो अंतराणुगमो सण्णियासो अप्पाबहुए त्ति । एदेसु अणियोगद्दारेसु परूविदेसु तदो एगेगउत्तरपयडिविहत्ती समत्ता।
पयडिहाणविहत्तीए इमाणि अणियोगद्दाराणि । तं जहाँ, एगजीवेण सामित्तं कालो अंतरं, णाणाजीवेहि भंगविचओ परिमाणं खेत्तं फोसणं कालो अंतरं अप्पाबहुअं मुजगारो पदणिक्खेओ वढि त्ति ।
पेयडिट्ठाणविहत्तीए पुव्वं गमणिजा ठाणसमुकित्तणा। अत्थि अट्ठावीसाए सत्तावीसाए छव्वीसाए चउवीसाए तेवीसाए बावीसाए एकवीसाए तेरसण्हं वारसण्हं पंचण्हं चदुण्हं तिण्हं दोण्हं एकिस्से च १५ । एदे ओघेण।
एकिस्से विहत्तिओ को होदि ? लोहसंजलणो। दोण्हं विहत्तिओ को होदि ? लोहो माया च । तिण्हं विहत्ती लोहसंजलण-माणसंजलण - मायासंजलणाओ। चउण्हं विहत्ती चत्तारि संजलणाओ। पंचण्हं विहत्ती चत्तारि संजलणाओ पुरिसवेदो च । एक्कारसण्हं विद्वत्ती एदाणि चेव पंच छण्णोकसाया च । बारसण्हं विहत्ती एदाणि चेव इत्थिवेदो च। तेरसण्हं विहत्ती एदाणि चेव णqसयवेदो च। एकवीसाए विहत्ती एदे चेव अटकसाया च । सम्मत्तेण वावीसाए विहत्ती। सम्मामिच्छत्तेण तेवीसाए विहत्ती। मिच्छत्तेण चदुवीसाए विहत्ती। अठ्ठावीसादो सम्मत्तसम्मामिच्छत्तेसु अवणिदेसु छव्वीसाए विहत्ती। तत्थ सम्मामिच्छत्ते पक्खित्ते सत्तावीसाए
(१) पृ० १७ । (२) पृ० १८ । (३) पृ० २० । (४) पृ० २२ । (५) पृ० २३ । (६) पृ० ८० (७) १० ८२। (८) पृ० १९९। (९) पृ० २०१। (१०) पृ० २०२। (११) पृ० २०३। (१२) १० र
Jain Education International
For Private & Personal Use Only
www.jainelibrary.org
| SR No. | 001408 |
| Book Title | Kasaypahudam Part 02 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatiya Digambar Sangh |
| Publication Year | |
| Total Pages | 520 |
| Language | Prakrit, Sanskrit, Hindi |
| Classification | Book_Devnagari, Agam, Canon, & Karma |
| File Size | 12 MB |