________________
४१३
सुमइनाह-चरियं
जेण विणा चारित्तं सुयं तवं दाण-सीलमवि सव्वं ।। कासकुसुमं व विहलं इय मुणिउं कुणसु सुहभावं ||३५२८।। जं भुंजिऊण बहुयं सुरपव्वय-पमुह-पव्वएहिंतो । तित्ति तए न पत्ता तं चयसु चउविहाहारं ।।३५२१।। जं सुलहो जीवाणं सुर-नर-तिरि-नरय-गइचउक्के वि । मुणिउं दुल्लह-विरइं तं चयसु चउव्विहाहारं ||३५३०।। छज्जीवनिकाय-वहे अकयम्मि कहं पि जो न संभवइ । भवभमण-दुहाहारं तं चयसु चउन्विहाहारं ||३५३१।। "चत्तम्मि जम्मि जीवाण होइ करयल-गयं सुरिदत्तं । सिद्धि-सुहं पि हु सुलहं तं चयसु चउव्विहाहारं ||३५३२|| नाणाविह-पावपरायणो वि जं पाविऊण अवसाणे । जीवो लहइ सुरत्तं तं सरसु मणे नमोक्कारं ||३५३३।। जेण सहारण गयाण परभवे संभवंति भवियाण । मणवंछिय-"सोक्खाइं तं सरसु मणे नमोक्कारं ||३५३४|| सुलहाओ रमणीओ सुलहं रज्जं सुरत्तणं सुलह । "एक्वो च्चिय जो दुलहो तं सरसु मणे नमोक्वारं ||३५३५।। लद्धम्मि जम्मि जीवाण जायए गोपयं व भवजलही । सिवसुह-सच्चंकारं तं सुरसु मणे नमोक्कारं ||३५३६।। एवं गुरुवइडं पज्जंताराहणं निसुणिऊण । वोसह-सव्व-पावो तहेव आसेवए एसो ||३५३७|| पंचपरमेहि-सुमरण-परायणो पाविऊण पंचत्तं । पत्तो पंचमकप्पम्मि रायसिंहो सुरिंदत्तं ||३५३८|| रयणवई वि हु तेण क्वमेण तेणेव सह मया रना । अत्थंगयम्मि चंदे कयावि किं चिट्ठए जोण्हा ? ||३५३१।। एसा वि तत्थ कप्पम्मि तस्स सामाणियत्तणं पत्ता । तत्तो चुयाइं दोन्नि वि कमेण मोक्खं लहिरसंति ।।३५४०।।
Jain Education International
For Private & Personal Use Only
www.jainelibrary.org
