________________
४११
सुमइनाह-चरियं
भवखेत्ते अरुहंता भावारि-प्पहणणेण अरिहंता । जे तिजय-पुयणिज्जा अरहंता मज्ा ते सरणं ||३५०४।। तरिऊण भवसमुदं रउद्द-दुह-लहरि-लक्ख-दुल्लंघं । जे सिद्धि-सुहं पत्ता ते सिद्धा इंतु मह सरणं ||३५०५|| जे भंजिऊण तव-मुग्गरेण निबिडाई कम्म-नियलाई । संपत्ता मोक्ख-सुहं ते सिद्धा हुंतु मह सरणं ||३५०६।। झाणानल-जोगेण जाओ निद्दड-सयल-कम्म-मलो । कणगं व जाण अप्पा ते सिद्धा हुंतु मह सरणं ||३५०७।। जाण न जम्मो न जरा न वाहिणो न मरणं न वाऽऽबाहा । न य कोहाइ कसाया ते सिद्धा हुंतु मह सरणं ॥३५०८।। काउं महुयर-वित्तिं जे बायालीस-दोस-परिसुद्धं । भुंजंति भत्तपाणं ते मुणिणो हुंतु मह सरणं ||३५०१|| पंचिंदिय-दमणपरा निज्जिय-कंदप्प-दप्प-सर-पसरा । धारंति बंभचेरं ते मुणिणो हुंतु मह सरणं ॥३५१०।। जे पंचसमिइ-समिया पंचमहव्वय-भरुव्वहण-वसहा । पंचमगइ-अणुरत्ता ते मुणिणो हुंतु मह सरणं ||३५११।। जे चत्त-सयल-संगा सम-मणि-तण-मित्त-सत्तुणो धीरा । साहति मुक्ख-मग्गं ते मुणिणो हुंतु मह सरणं ||३५१२।। जो केवलनाण-दिवायरेहिं तित्थंकरहिं पन्नत्तो । सव्व-जगज्जीव-हियओ सो धम्मो होउ मह सरणं ॥३५१३।। कल्लाण-कोडि-जणणी जत्थ अणत्थप्पबंध-निद्दलणी । वन्निज्जइ जीवदया सो धम्मो होउ मह सरणं ॥३५१४।। जो पावभरक्वंतं जीवं भीमम्मि कुगइ-कूवम्मि । धारेइ निवडमाणं सो धम्मो होउ मह सरणं ।।३५१५।। सग्गापवग्ग-पुर-मग्ग-लग्ग-लोयाण सत्थवाहो जो । भवअडवि-लंघणखमो सो धम्मो होउ मह सरणं ॥३५१६।। एवं चउण्हं सरणं पवनो, निम्विन्न-चित्तो भवचारयाओ ।
Jain Education International
For Private & Personal Use Only
www.jainelibrary.org
