________________
४३३
सुमइनाह-चरियं
तत्तो गुणधरेणं वुत्तं वियसंत-वयण-कमलेण । भो । सव्वहाणुकूले कज्जम्मि किमित्थ वत्तव्वं ? ||२११४|| एक्वं ता कज्जमिणं मण-इडं तुम्ह पत्थणा दुईया । तं भुविखयाए" सयमवि निमंतणेणं समं जायं ।।२९१५।। ता भद्द ! जणो एसो करिस्सई नूण जं तुमं भणसि । जं पुण जुत्ताऽजुत्तं तमेत्थ जाणसि तुमं चेव ||२११६।। तो खयरेणं वुत्तं- जुत्तमिणं सव्वहा जओ भद्द !! कहिओ सि देवयाए एक्वं अन्नं बहुगुणो सि ||२११७।। वर-रूव-संपयालोयणाओ नायं तुम बहुगुणो त्ति । जत्थागिई गुणा तत्थ हुंति जम्हा इअ पसिद्धी ||२९१८|| दहुं विणयमउव्वं विसुद्ध-कुल-संभवो ति नायमिणं । जम्हा अकुलीणाणं न होइ विणओ त्ति जणवाओ ||२१११।। तत्तो गुणंधरेणं लज्जोणय-कंधरेण संलत्तं ।। का रूव-संपया मह को वा विणओ गुणा के वा ? ||३000।। किंतु गुण-रयण-रोहण-सुयणाण सिरोमणी तुम जेण । तेणुव्वहसि महायस ! विगुणे वि परम्मि परिओसं ||३००१|| किंच तुमं विमलगुणो मुणसि तओ जंपिउं पियं चेव ।
न कयाइ अमयकिरणो अन्नं अमयाउ पज्झरइ ||३००२|| इच्चाइ सुह-संक हाहिं गमिऊण खणमेक्कं वाउवेगेण आणत्तो निय-परियणो जहा-'करेह सिग्धं विवाह-सामग्गिं, जेण अज्जेव संझाए सोहणं लग्गं ति कीरइ करगहण-मंगलं' । तओ लग्गो समग्गो परियणो निय-निय-वावारेसु ।
इओ य भोयण-मंडवाओ विज्जुलेहा गुणंधराओ हीण-गुणमप्पाणं मन्नमाणी किंचि विसन्न-माणसा पत्ता पासाउवरिमतलं, तत्थ य संतावनीसहेहिं अंगे हिं दीहण्ह-नीसास-विसोसियाहरा निसन्ना सिज्जाए | दिहा तहहिया निउणियाए भणिया-'सामिणि ! किमेवमुग्विग्गा विव लक्खीयसि ? | तओ वामयाए मयणस्स विज्जुले हाए भणियं- 'न याणामि किंपि, केवलं भोयण-मंडवं गयाए मम सो को वि महंतो संतावो संजाओ जो कहिउं पि न तीरइ'। तओ तीए कया कयलिदल-पवण
For Private & Personal Use Only
Jain Education International
www.jainelibrary.org
