________________
४१८
सिरिसोमप्पहसूरि-विरइयं किञ्च, खलमेत्ति व्व खणेणं विहडइ चुडलि व्व जणइ संतावं । मइर व्व कुणइ मोहं नइ व्व नीयं सरइ लच्छी ।।२८५१।। जाण कए कूणसि तुमं रे ! जीव ! बहुप्यार-पावाइं । सयणा सिणेहहीणा खणेण ते सत्तूणो हुति ||२८६०।। जं पुण सरीरमेयं वरवत्थाहरण-भूसणाईहिं । अणवरयमुवयरिज्जइ तं पि असासयमसारं च ||२८६१।। एगत्थ कहवि परिमोइया वि अन्नत्थ लग्गइ खणेण । दूरेण होइ सुहया महिला कंथारि-साह व्व ।।२८६२।। विसया विसं व परिणाम-दुक्ख-जणगा अवस्स मोत्तव्वा । ते उण सयं विमुक्वा न कुणंति मणस्स संतावं ।।२८६३|| ता भव-निबंधणेणं धण-सयण-सरीर-जुवइ-विसयाणं । पडिबंधेणं इमिणा न किंचि कज्जं ममेयाणिं ||२५६४|| एवं विरत्तचित्तो कुबेरदत्तो समुल्लसिय-सत्तो । दाऊण दविण-निचयं चेईहराइसु ठाणेसु ||२८६५।। चारित्त-रयण-रोहणगिरीण सिरिभुवण-भूसण-गुरूणो । पयमूले पडिवल्लो पव्वज्जं पावगिरि-वज्जं ||२८६६।। अहिगय-समत्त-सुत्तो गीयत्थो गुरुयणं अणुनविउं । जिणकप्पं कुणमाणो पत्तो पच्चंत-गामम्मि ||२८६७।। तो देविलाए दिहो परिब्भमंतीए तत्थ दिव्ववसा । काउसग्गेण ठिओ बाहिं गामस्स जक्खहरे ।।२८६८।। तो विस-धूम-पओगं काउं कुवियाए तीए रयणीए । मुणिणो विणासणत्थं जक्खहरं सव्वओ पिहियं ।।२८६१।। विसधूव-धूम-संसग्ग-जाय-गुरु-वेयणो स मुणि-सिंहो । नाऊणमप्पणो मरण-समयमुल्लसिय-सुह-भावो ।।२८७०।। सिद्ध-समक्ख-समुद्धरिय-सव्व-सल्लो महव्वउच्चारं । काउं सो पच्चक्खइ सयमेव चउग्विहाहारं ।।२८७१।।
Jain Education International
For Private & Personal Use Only
www.jainelibrary.org
