________________
सुमइनाह - चरियं
३७१
हा चंद्रवयण ! हा कमलनयण ! हा वच्छ ! लच्छि - कुलभवण ! | हा निय-वंस - विभूसण! हा किसलय- अरुण-कर-चरण || २५१७।। खिविऊण ममं दीणं दुस्सह- सोयानलम्मि पजलंते । अगणिय जणणि- सिणेहो पुत्त ! तुमं कत्थ पत्तो सि ? || २५१८|| निल्लक्खणा अहं चिय निब्भग्ग - सिरोमणी अहं चेव । जं परिहरिऊण ममं वच्छ ! तुमं कत्थ वि गओ सि ? || २५११|| हा तणय ! जणणि वच्छल ! जीवंती लोयणेहिं एएहिं । किं तुज्झ वयण - कमलं कयाइ पुणरवि पलोइस्सं ||२५२०|| खणंतरेय गयणयल-गयाए कुलदेवयाए वुत्तं- भो भो ! किमेवं सोयमुव्वहह ? | जओ
-
सयल - सुरासुरेहिं पि दुरइक्कमो कम्म- परिणामो । ता अवलं बेह धीरयं । तहा जो विसम सप्प-दहं रायसुयं वीस वरिस - पज्जंते जीवाविस्सइ, सो अम्ह नंदणी इय मणे धरह । एवं सोउं पि सोयसायरावगाढाई दो वि कालं गमंति । इओ य भद्दसालपुरे एगवीससुवन्न - कोडि - सामी भद्दो सेडी, भद्दा से भारिया । दुन्नि वि परमसावगाणि । निरवच्चो त्ति संतावमुव्वहइ सिट्ठी । भद्दाए भणिओकिमेवं संतावमुव्वहसि ? | अन्नं परिणेसु । सिहिणा भणियं - तुह अवच्चेण मे निव्वुइ । तओ तीए आराहिया कुलदेवया । तुट्ठाए तीए भणिया भद्दा - भद्दे ! नत्थि तुह गब्भ-संभवो । जइ भणसि ता अन्नं तक्खणुप्पन्नं सुयं संपाडेमि । भद्दाए भद्द - सिद्धि - सम्मए वुत्तं एवं करेसु । आणिऊण समप्पिओ देवयाए दत्त-नंदणी । गूढगब्भा मे घरिणी पसूय- त्ति भणतेण भद्देण कयं वद्धावणयं । देवया दत्तो त्ति विहियं तस्स देवदत्तो त्ति नामं । वडिओ देहोवचएणं कलाकलावेण य । अवि य, चाई भोई सदओ सूरो सरलो सहाव-गंभीरो | लायन्न - पुन्न- देहो पच्चक्खो पंचबाणो व्व || २५२१||
Jain Education International
-
बालत्तणओ वि इमो गुरु- पयमूले पवन्न- सम्मत् । कुणइ तिकालं जिण-पडिम-पूयणं सेवए मुणिणो || २५२२|| निसुणइ पवयण सारं धण-बीयं ववइ सत्त - 1 - खित्तीए । साहम्मिएस रज्जइ विहल - जणुद्धरणमायरइ || २५२३||
For Private & Personal Use Only
www.jainelibrary.org
