________________
सिरिभुयणसुंदरीकहा ॥
૫૨
तो कहइ वीरसेणो केवलनाणोवलद्धपरमत्थो ।
गंभीर-धीरसण सव्वपरिसाए धम्मकहं |८७८२ ।। 'भो ! भो ! निसुणह भव्वा ! सोउं भावेह सुद्धबुद्धी । आयरह उवाएयं अणुवाएयं परिच्चयह ||८७८३ || धम्मस्स मूलहेऊ पयडियसंसारसयलसब्भावं ।
सम्मं नाणं तं च्चिय आयरणीयं पयत्तेण ||८७८४ ॥
सम्मन्नाणविहीणो संसारासारयं न लब्भेइ । अमुणियभवनिग्गुन्नो न विरव्व ( ज्ज) इ भवपवंचाओ ||८७८५ ।। संसारविरत्ताणं जम्हा जायंति धम्मपारंभा ।
अविरत्ता संसारं परमत्थमईए गेण्हति ॥ ८७८६ ॥ सम्मना (न्ना) णसमेओ दूरं निम्महियमोहमाहप्पो । सव्वमणिच्चमसारं मन्नइ संसारवित्थारं ॥ ८७८७ ॥ इय संसारे जं जं नराण वामोहकारणं होइ । तं तं सव्वमणिच्चं नायव्वं बुद्धिमंतेहिं ||८७८८|| हरिविकुम ! तुह एयं रज्जं सत्तंगसंभवमुयारं । सामि अमच्चो रट्टं दुग्गं कोसो बलं मित्तो ॥ ८७८९ ॥ एयस्स पवहणस्स व अपुन्नपवणाहयस्स रज्जस्स । विहडंतस्स न सक्खा कीरइ देवासुरेहिं पि ।।८७९० ।। एत्थ फुडो दिट्ठतो मज्झ पिया सूरनरवई तस्स । पुन्नक्खए न जाया रक्खा रज्जस्स केहिं पि ॥। ८७९१ | इह नत्थि भूमिवलए परक्कमी सूरसेणपडितुल्लो तेणाऽवि न विहडतं नियरज्जं रक्खियं समरे ||८७९२ ॥
Jain Education International
८०१
For Private & Personal Use Only
www.jainelibrary.org
