________________
७९७
सिरिभुयणसुंदरीकहा ॥
'होसु अविहवा वच्छे ! मह कुलपासायधारणधरित्ति !' । इय ससुरकयासीसा कमलसिरीसन्निहिं जाइ ||८७३८।। तत्थ नियसासुयाए कयप्पणामाऽहिणंदिया तीए । . वच्चइ नियपासायं कुमारपासायसन्निहियं ॥८७३९।। कयखंड-खज्जबहुभक्खभोज्जतित्तंमि सयलजियलोए। दिज्जंतकणयभूसणनेवत्थजहिच्छजणदाणे ॥८७४०॥ पूइज्जमाणपुज्जे सम्माणिज्जंतरायसामंते । कयनियकुलकायव्वे चित्तंमि महोत्सवे रम्मे ॥८७४१।। तो अमरसेणराया कहमवि मोयाविऊण रायाओ । संपूइओ ससेन्नो चंपानयरिं च संपत्तो ॥८७४२।। हरिविकुमो वि कुमरो अन्नोन्नघणाणुरायरमणीयं । अद्दिढविओयदुहं परोप्परं विप्पियविहीणं ॥८७४३।। ईसा-विसायरहियं कसायहीणं परूढवीसंभं । अवरोप्परगुणकित्तणसमहियवलुतघणरायं ।।८७४४।। भुयणेक्कपेच्छणीयं विसिठ्ठजणसम्मयं मणभिरामं । सह भुयणसुंदरीए विसयसुहं सेवइ पहिट्ठो ।।८७४५।। एवं पइदियहपहि?माणगरुयाणुरायरत्ताण । अमयघडिय व्व सरसा वच्चंति दिणा सुहं ताण ।।८७४६।। अह अजियविकूमो वि य रज्जधुराधरणपच्चलं कुमरं । नाउं पसत्थदियहे अहिसिंचइ निययरजंमि ||८७४७।। अहिगयसंसारअसारयत्तसंजायगुरुतरविराओ । सव्वपयत्थनियत्तियवामोहो निहयममक्का(का)रो ॥८७४८।।
Jain Education International
For Private & Personal Use Only
www.jainelibrary.org
