________________
सिरिभूयणसुंदरीकहा ॥
कयसयलगोसकिच्चो पढमागयवैरिसीहपणिवइओ ।
सामंतसयदुलंघे अत्थाणे तयणु उवविसइ ||८४७५।। . दट्ठूण वैरसीहो रूवं सिरिवीरसेणधूयाए । हुयचित्तचमक्कारो सविम्हओ धुणइ नियसीसं ||८४७६ || चिंतइ ' न मच्चलोए पायं एवंविहाई रुवाइं । सुरलोयपयावइणा मन्ने निम्माविया एसा' ।।८४७७।। तो भणइ वैरसीहो 'तुह विकमकप्पसाहिणो देव ! । विफु (प्फु) रियं जं देवी कप्पियमेत्तव्व आणीया' ।।८४७८ ।। तो कहइ जक्खराओ नीसेसं कुमररयणीवृत्तंतं ।" देवीलाहवसाणं सेणावइपमुहलोयाण ||८४७९ ॥ तो हरिसवसुग्गय-पुलयदेहाण सव्वलोयाण । आणंदमओ जाओ सो दियहो कुमरिलाहेण ॥ ८४८०॥ कारावियं च नयरे बद्धावणयं महापमोएण । दिन्नं च महादाणं पूयाउ जिगिंदचंदाण ||८४८१।। आणंदनिभरे तम्मि वासरे अइगयंमि विन्नत्तं । जक्खेण 'जामि अयं पुरओ धूयं गहेऊण ||८४८२ ॥ तुमए वि तत्थ तुरियं आगंतव्वं कुमार! जेणम्हे । धूयापाणिग्गहणं करेमि (मं) सव्वाए रिद्धीए' ||८४८३|| एवं ति कुमरभणिए जक्खो सह वीरसेणधूयाए । पत्तो निययावासं आनंदियजक्खसंघाओ || ८४८४|| एत्यंतरे पट्टि पडिहारनिवेइओ पवणनामो । कयकुमरपयपणामो लेहं अप्पेइ कुमरस्स || ८४८५ ||
१. अत्र गाथात्रिके किञ्चित्पाठः त्रुटित इवाभाति ॥
Jain Education International
For Private & Personal Use Only
७७३
www.jainelibrary.org
