________________
७४४
सिरिभुयणसुंदरीकहा ॥
पत्ता जोव्वणभावं जुवाणजणमणहरं वसंतं व । सयलजुयाणमणाणं उप्पाइयमयणसिंगारं ।।८१५६।। देसंतराओ विविहा कयाहिलासा य एंति बहुवरया । पभणेइ मज्झ जणओ 'धूयाए सयंवरं काहं' ||८१५७ ।। अह अन्नदिणे अहयं कीलत्थं जाव जामि उज्जाणे । बहुविहसहीसमेया कीलामि विचित्तकीलाहिं ॥। ८१५८ ।। सव्वाओ भणियाओ मए सहीओ 'इमं असोयतरुं । वेगेण छिवह निबिडं वत्थंचलबद्धनयणाओ' ||८१५९ ॥ सव्वाहिं वि पडिवन्नं बद्धानं मए सहीण अच्छीणि । हिंडंति भमंतीओ उज्जाणे बद्धनयणाओ ||८१६० || एगागिणी तओ हं संजाया ताहिं विरहिया जाव । ताव मए सच्चविओ विज्जाहरदारओ एगो ।। ८१६१ ।। अवलोइऊण सो मं मयणपरायत्तमाणसो जाओ । सहसा अकयक्खेवं हरिया हं तेण खयरेण ।।८१६२ ।। हरिऊण एत्थ मलए आणीया कंदरंतरदरीए । मोत्तूण य भणिया हं 'इच्छसु मं तुज्झ अणुरतं ॥ ८१६३ ।। विज्जाहरो म्हि सुंदरि ! बहुविज्जा - सिद्धि-लद्धिसंपन्नो । नामेण चित्तवेगो तुह दंसणजायमणखोहो' ||८१६४ ।। तो हं भयसंभंता न जाव पडिउत्तरं पयच्छामि । ता पुण अणुणयसारं भणिया हं तेण खयरेण ।।८१६५।। नाणाविहअणुणयवयणलक्खपयडियनियाणुरायस्स ।
कह कह वि मए सुंदरि ! न तस्स पडिउत्तरं दिनं ॥ ८१६६॥
Jain Education International
For Private & Personal Use Only
www.jainelibrary.org
