________________
सिरिभुयणसुंदरीकहा ॥
७३१ सा विरहानलदड्डा तुज्झागमणुल्लसंतरोमंचा । गिम्हहया वसुहा इव अंकुरिया मेहउदएण ।।८०१३॥ मुसियतणुनालदंडा बाढं कुम्माणवयणतामरसा । संजीविया कुमारी नल(लि)णि व्व जलोहसंगेण ॥८०१४।। सोउं तुज्झागमणं सा हरिसमयं व मन्नए भुयणं । जणणीए समाहूया जिणभवणं आगया बाला ||८०१५।। ता कुमर ! इमा सुपओहरा य बहुरयणसमिद्धा य । वसुहा व्व कामधेणु व्व कप्पलइय व्व तुह दिन्ना' ।।८०१६।। जक्खभणियावसाणे कुमरो हिययंतपसरियाणंदो । पयइवीरत्तणेणं निगोयए रायचिंधाइं ॥८०१७।। रत्ताण विरत्ताण य एगं रूवं सहावगरुयाण । को जाणइ जलनिहिणो थाहं अइनिउणबुद्धी वि ॥८०१८।। चिंतइ मणमि कुमरो ‘जं कज्जं दुग्गहं व मह आसि । तं देवगुरुपसाया सिद्धं पिव मज्झ पडिहाइ ।।८०१९।। न फुरइ मणोरहो वि हु तियसिंदाणं पि जीए लाहमि । सा भुयणसुंदरी मह पेच्छ अजत्तेण संपन्ना ||८०२०।। अत्थि अवस्सं मह पुव्वजम्मसमुवज्जिओ सुहविवागो । तेणेसा संघडिया न घडइ जा सुरवराणं पि ।।८०२१।। दीवंतरे वि देसंतरे वि रन्ने वि अहव वसिमे या(वा?) । संघडइ दुग्घडं पि हु अणुकूलविही न संदेहो ।।८०२२।। किं तु तायस्स पुरओ मंतिस्स वि जंपियं मए जमिह । तं जुयइरयणलाहेण पडइ कालंतरे कज्जं ॥८०२३।।
Jain Education International
For Private & Personal Use Only
www.jainelibrary.org
