________________
सिरिभुयणसुंदरीकहा ॥
७२१ जस्स सुयं पि हु चरियं निहणइ चिरसंचियाइं पावाइं । सो दिट्ठो किं काही वीरमुणी तं न जाणामि ॥७९०३।। इह भुयणे गरुयगुणा तं चिय गुणपयरिसं पयासंति । जंमि अणज्झवसाओ मणमि ताणं पि संभवइ ७९०४॥ जाण गुणावगमे खलु न संति गुणिणो त्ति वासणा होइ । ते च्चेय जए जोग्गा गुणिन्न(त्त?)सद्दस्स न हु अन्ने ।।७९०५।। अंतरियपरगुणा वि हु नियविसउव्वूढगुणगणुक्करिसा । न लहंति तह वि गुणिणो पिसुणत्तं सुद्धचरिएहिं ।।७९०६।। भुयणेक्कगुणित्तेणं दारिदे जेहिं ठावियं भुयणं । ते च्चेव नवर गुणिणो भुयणस्स विहूसणं होंति ।।७९०७।। दूरंतरपसरियनियगुणेहिं भुवणं पि जेहिं पडिबद्धं । कह तं अप्पायत्तं करंतु अन्नेसु गुणिणो वि' ||७९०८।। इय सब्भूयसमुज्जलअसरिसगुणभावणाहिं विम्हइओ । सिरिवीरसेणसूरिं पसंसए सहरिसं कुमरो ॥७९०९।। पुण पभणइ चंदसिरी(रिं) 'अज्ज पवित्तो म्हि अंब ! संजाओ । तुअ(ह) दंसणेण सिरिवीरसेणसच्चरियसवणेण ।।७९१०।। दट्ठव्वदंसणं च्चिय सोयव्वायन्नणं च इह दो वि । अपवित्तं पि हु पुरिसं पवित्तयंति नियमेण फुडं' ।।७९११।। इय वारंवारं च्चिय परिवत्तियवीरसेणगुणनिवहो । खणलद्धनिद्दसोक्खो नेइ निसं तग्गुणकहाहिं ।।७९१२।। अह जक्खकिंकराहयपाहाउयगहिरतूरसद्देण । चंदप्पहमि जयजयकलयलसद्देण पडिबुद्धो ॥७९१३।।
Jain Education International
For Private & Personal Use Only
www.jainelibrary.org
