________________
७१२
बज्झतविविहकंडयरक्खासयनिहयदुट्ठजणपसरं । बहुजंतलिहियकिरिया वावडमणमंतवाइगणं ॥ ७८०४ || कीरंति संतियमं (म्मं) समीवजप्पंतपरमजिणमंतं । पूईज्जमाणसिरिवीरसेणकुलदेवयानिवहं ॥ ७८०५ ।। बिउण-चउगुणपरिवेट्ठिमुक्कुघणजक्ख अंगरक्खभडं । दूरनिवारियजणवयसूईहरनिग्गमपवेसं ॥ ७८०६ ।। नियडोवविट्ठनिमित्तिलोयगिज्जंतलग्गगुणनिवहं । एवंविहं पविट्ठो सूईहरयं मलयमेहो || ७८०७।। उवविसइ मणिमयासंदियाए वियसंतदीहरच्छिउडो । अवलोयइ धूयं जायगरुयमणविम्हओ जक्खो || ७८०८ || दुद्धरिससरीरुव्भवपहाभिभूओरुकिरिणमणिदीवा । परतेयमसहमाणि व्व समहियं तेयमुव्वहइ ।। ७८०९।। स(सु) कुमारपाणिपल्लवपसत्थरेहाहि सुव्वलिहयत्थं । नियसुकयहुंडियं पिव करेहिं जक्खस्स दरिसेइ ||७८१० || चिरमवि जं दीसतं वड्ढइ अहिरूवदंसणे तन्हं ।
सिरिभुयणसुंदरीकहा ॥
तं वहइ सुरभवाओ अणुमयमिव अणुवमं रूवं || ७८११ || इय चंदसिधूया दिट्ठा जक्खेण विम्हयरसङ्कं । नयणंजलीहि व सुहं लायन्नं घोट्टयंतेण ।। ७८१२।। आपायसिरग्गाओ पसत्थवरलक्खणंकियसरीरं ।
दट्ठूण रायधूयं अह जक्खो भणिउमादत्तो ||७८१३।। 'चंदसिरि ! तुज्झ एसा चिरसुचरियपरिणई व्व अवयरिया | धूयामिसेण इह पच्चक्खा नत्थि संदेहो || ७८१४।।
Jain Education International
For Private & Personal Use Only
www.jainelibrary.org
