________________
सिरिभुयणसुंदरीकहा ॥
६८५ तो भणइ सूरसेणो सिणेहभरगलियनयणबाहोहो । पडिरुद्धकंठगग्गयगिराए पीईए पियपुत्तं ।।७५०६।। 'मा भणसु पुत्त! एवं दिक्खागहणंमि तुज्झ को कालो ? । कालोच्चियपारद्धं कज्जं सफलत्तणमुवेइ ।।७५०७।। तुममज्ज वि निज्जियसुरकुमाररमणीयरूव-सोहग्गो । पत्थिज्जसि मयणवियारिणीहिं सुरसुंदरीहिं पि ॥७५०८॥ अज्ज वि तुह तारुन्नं अमिलाणं सरयकालकमलं व । सिसिरसिरीए व छिप्पइ जराए थोयं पि न नरिंद! |७५०९।। अन्नं च एस पावो जोवणवणकाणणंमि अक्खलिओ । मणसीहो गरुयाण वि भंजइ सुहडत्तमाहप्पं ।।७५१०।। एसो इंदियनिवहो अथिरो पयईए चवलपवणो ब्व । कयगरुयपयत्तेहिं वि तीरइ न निलंभिउं वीर ! ।।७५११।। सुहडं पि सुवीरं पि सुजाइकुलसंभवं पि सगुणं पि । विनडेइ एस मयणो तिहुयणजयगव्विओ पुरिसं ॥७५१२।। अन्नं च तुमंमि इमा पुहई नवपणइणि व्व अणुरत्ता । फुडिण किन्न हिययं मरिही तुमए वि मुच्चंती ।।७५१३।। भुयणपईवंमि तए निन्नासियसयलवेरितिमिरंमि । पविसंतंमि नरेसर ! भुयणे अंधया(धा)रयं होही ।।७५१४।। एयाओ लालियाओ पयाओ पइपालियाओ तुह विरहे । पेच्छामि तं न पुरिसं जं दटुं निव्वविस्संति' ||७५१५।। इयमाइ बहुप्पयारं जंपतो सूरनरवई भणिओ । कयपुव्ववयणपरिहारसुंदरं वीरसेणेण ||७५१६।।
Jain Education International
For Private & Personal Use Only
www.jainelibrary.org
