________________
६४६
सिरिभुयणसुंदरीकहा ॥ भयवं ! तुह परमत्थं वयणं सोऊण अवितहसरूवं । एम्हि मज्झ वि जाओ असारसंसारनिव्वेओ ।।७०८१।। भवभावविरत्ताण वि न होइ मणवंछियत्थसंपत्ती । जाव न लब्भंति जए सुहगुरुणो तुम्ह सारिच्छा ।।७०८२ ।। ता मह भयवं ! जइ अत्थि जोग्गया अह पसायबुद्धी वि । दुक्खत्तयरं(?) ता देह मज्झ मुणिनाह! पव्वज्जं' ।।७०८३।। तो भणियं पुण गुरुणा 'जहासुहं मा करेह पडिबंधं । भुयणोवयारकरणे अम्हाण वि एस वावारो ।।७०८४।। तो इंददत्तकुमरो महिंदलच्छी य दो वि विहिपुव्वं । आपुच्छिऊण जणयं कयजिणहरपूयकम्माइं ।।७०८५।। तो सुपसत्थदियसे अज्झवसाएण सुज्झमाणेण । रविचंदगुरुसगासे पव(व्व)ज्जं अह पवजंति ।।७०८६॥ अब्भसियसाहुकिरिओ अहिगयनीसेससुत्तसारत्थो । विविहतवसुसियदेहो रागद्दोसेहिं प(पा)मुक्को ।।७०८७।। पंचमहव्वयधारी इरियासमियाइपंचसमिइजुओ । छव्विहजीवाण हिओ सत्तभयट्ठाणप(पा)मुक्को ॥७०८८।। अट्ठमयनिग्गहपरो अविकलनव-बंभगुत्तिसंजुत्तो । दसविहधम्मुज्ज(ज्जु)त्तो गुरुसहिओ विहरइ महीए ।।७०८९।। विविहतवसुसियदेहो नाणाभिग्गहविसेसतुलियप्पा । सुहभावणसुद्धप्पा अवसेसियदुद्रुकम्मंसो ।।७०९०।। काऊण सुचिरकालं अइदुक्करदुद्धरं तवच्चरणं । नाऊण आउसेसं सम्मं संलेहए अप्पं ।।७०९१।।
Jain Education International
For Private & Personal Use Only
www.jainelibrary.org
