________________
सिरिभुयणसुंदरीकहा ॥
अन्नक्काए भणियं 'पियसहि ! को एस वीरसेणो त्ति ?' । सा भणइ 'जेण गयणे कमलकेऊ हओ खयरो' ॥६३०१॥ अन्नाए पुणो भणियं ‘को सो सहि ! खेयरो कमलकेऊ ?' । सा भणइ 'जेण हरिया नरसीहपिया कणयरेहा' ।६३०२।। इय अन्नोन्नालावे निसुणइ सा जाव तरुणिसत्थाण । पत्तो रायदुवारं विचित्तजसनरवई ताव ॥६३०३।। उत्तरइ तओ राया सीहदुवारंमि हत्थिखंधाओ । . वारिज्जंतो वि सयं वीराहियरायपुरिसेहिं ॥६३०४।। उयरुयरिपरिपेसियपडिहारपरंपराकहियमग्गो । वच्चइ अवलोयंतो रायउल विविहववहारं ॥६३०५।। जं सेवागयनरवालतुरयखुरुखा(क्खा)यखोणिरयपडलं । पविसंतमत्तमयगलमयजलधाराहि उवसमइ ॥६३०६।। केहिं पि जुद्धकीलत्थमाणिएहिं च दीयमाणेहिं । पढममयदसणत्थं आहूएहिं च केहिं पि ॥६३०७।। अन्नेहिं पट्टबंधाप(य?) ट्ठाविएहिं नवनिबद्धेहिं । घणवारणेहिं वियर्ड पि संकडं नियइ रायउलं ॥६३०८।। अणवरयचलियखुरपुडधरामद्दलेहिं तुरएहिं । नट्ठवेएहिं व थिरं रायसिरिं नट्टयंतेहिं ।।६३०९।। पहरिसहेसारवबहिरियंबरेहिं व संकडाभोयं । रायाजिरं नियंतो वच्चइ राया विचित्तजसो ॥६३१०॥ दूरं पेसिज्जंतेहिं दूरसंपेसियागएहिं च । करहेहिं संकडं रायपंगणं जाइ पेच्छंतो ।।६३११॥ १. राजाजिरं राजप्राङ्गणम् खंता. टि. ।।
Jain Education International
For Private & Personal Use Only
www.jainelibrary.org
