________________
सिरिभुयणसुंदरीकहा ॥
न जओ पराजओ वि य हरिस-विसायाण कारणं होति । राय ! गरुयाण जम्हा अन्नं चिय कारणं किंपि ॥६१२५।। नियजीयसंसए वि हु जो न चयइ विक्कमं च माणं च । सो जिणइ निज्जिओ वि हु ते हु चयंतो य हारेइ ।।६१२६।। जइ कह वि पहे पडिओ अक्खुलिऊणं नरिंद ! गंडुवले । ता तस्स एत्तिएण वि नरिंद ! अवमाणणा जाया ।।६१२७।। ता मह मणोरहो किर आसि इमो जं 'नियंमि रज्जंमि । ठविऊण इमं नरवर ! कयकिच्चो हं भविस्सामि' " ||६१२८।। तो जंपइ नरसीहो ‘असंभवं नत्थि किंपि तुह हिययए(हियए) । जलहिगरुयत्तणेणं सरिसा उटुंति कल्लोला ।।६१२९।। पेच्छह निस्सीमाणो गरुयाण गुणा फुरंति भुयणमि । बहुमच्छराण वि मणे हणंति जे मच्छरुच्छाहं ।।६१३०।। तुमए सह समसीसिं वहंतु कह मारिसा सुगुरुया वि ? । पहरंति जस्स पुरओ वेरीण गुण च्चिय मणेसु ।।६१३१।। किं तु भणिम्से एगं न रूसियव्वं तए महावीर ! । निव्वाहियं तए च्चिय सत्तुत्तं आइमंतेसु ॥६१३२।। जं तुच्छरज्जदाणोवलोहणं दाविऊण मह राय ! । तं गुरुसंजमरज्जे दिज्जंतं मह निवारेसि ॥६१३३।। ते हुंति य मुहसुयणा परिणामरिउव्व एत्थ भुवणंमि । एवंविहाओ पायं जे देति कुरज्जबुद्धीए(ओ) ॥६१३४।। ता सव्वहा विरत्तं मह चित्तं वीर ! रज्जमोहाओ । सासयसुहंमि रज्जे अहिलासो वट्टए एण्हि' ।।६१३५॥
Jain Education International
For Private & Personal Use Only
www.jainelibrary.org
