________________
५४४
सिरिभुयणसुंदरीकहा ॥ भणियं जोइंदेणं 'मुणिंद ! मह अणुहवेण पच्चक्खं । कोलागमेसु विसुयं मूलं धम्मस्स जीवदया ॥५९६१॥ जेणेव कोलधम्मो पयट्टिओ भेरवेण भुयणंमि ।
सो च्चिय भक्खइ मंसं पियइ सुरं वहइ जीवे वि ॥५९६२।। तथा च- “रंडा चंडा दिक्खिदा धम्मदारा
मज्जं मंसं पिज्जए खज्जए य । भिक्खाभोज्जं चम्मखंडं च सेज्जा कौलो धम्मो कस्स नो ठाइ रम्मो'? ||५९६३।। तो भयवं ! जिणधम्मं परमत्थवियारणाखमं सोउं । जा सुव्वइ कुलधम्मो ता मुणह विडंबणं सव्वं ।।५९६४।। किं तु अजाणतो च्चिय पुच्छामि इमं कहेह मह भयवं ! । जइ एस अधम्मो च्चिय ता कह अणिमाइसिद्धीओ ?' ||५९६५।। तो भणइ गुरू 'जोइय ! एयाओ होति खुद्दसिद्धीओ । साहंति न कज्जाई परलोयसुहाई इह जेण ॥५९६६।। एयत्थं कौला वि य सिवसोक्खं चइय पुण किलिस्संति । उड्डीसमाइयाइं य सत्थाई वि एयरूवाइं ॥५९६७।। जिणधम्मो पुण जोइय ! मोक्खफलो जिणवरेहिं पन्नत्तो । अणिमाई सिद्धीओ किसिकम्मपलालकप्पाओ ।।५९६८।। सो च्चिय धम्मो सावय ! चउव्विहो होइ जिणवरमयंमि । इह दाण-सील-तव-भावणे(णा)हिं भिन्नो जहाकम्म(म)सो ॥५९६९॥ दाणमई(इ)ओ उ पढमो भण्णइ संखेवओ महाराय ! । दाणं तिविहं भणियं जिणागमे तंपि निसुणेह ।।५९७०।।
Jain Education International
For Private & Personal Use Only
www.jainelibrary.org
