________________
५४२
परिवट्टिया सुदूरं आसग्गीवेण अत्तणो कज्जे । तं पि चइऊण लच्छी वेस व्व तिविठुमल्लीणा ।।५९३९ ।। निवनघुस -नल-महाबल-दिलीव - दसभद्द-दसरहाईण ।
सिरिभुयणसुंदरीकहा ॥
जाया थिरा न लच्छी सा तुह नरसीह ! कह होही ? ।। ५९४०।। लंघंती रायसए तुहागया अद्धंगि व्व जइ लच्छी ।
ता किं न चिंतसि इमं पुव्वनरिंदे व्व मं चइही ? ||५९४१॥ जइ एसा वि नरेसर ! होइ थिरा पयइचंचला लच्छी । भरहाइणो नरिंदा ता किं छडं ( डुं ) ति मोक्खमणा ? ।। ५९४२ ।। ता मा कुण पडिबंधं सिरीए सयणेसु सुय- कलत्तेसु । सव्वं पि अपरमत्थं परमत्थो जिणमओ धम्मो' ||५९४३॥ तो नरसीहो गुरुवयणजायसंवेगरसविसुद्धप्पा |
विन्नवइ गुरुं 'भयवं ! सच्चमिणं जं तए भणियं । । ५९४४ ।। अविवेयसमुब्भूया पसरंति नराण अ ( 5 ) कुसलबुद्धीओ ।
जा पयडियपरमत्थं मुणंति न मुणिंद ! तुह वयणं ।। ५९४५ ।। जह चेव तए कहियं चंचलरूवं सिरीए मह नाह ! । तह चेव अपरमत्थं ति मज्झ हियए वि संकंतं ।। ५९४६ ॥ किं तु परमत्थभूओ जिणधम्मो जो तए पुरा भणिओ । तं मज्झ जोइणो विय काऊण पसायमाचिक्ख' ।। ५९४७ ।। तो भइ गुरू गंभीर - महुरसद्देण सव्वजयसुहयं । धम्मं जिणोवइट्ठ असेसकम्मक्खयसमत्थं ।।५९४८ ।। 'धम्मो धम्मो त्ति जए सुव्वई (इ) सव्वेसु दरिसणपहेसु । सो च्चिय परिक्खियव्वो विवेइणा नियविवेएण ।। ५९४९ ॥
Jain Education International
For Private & Personal Use Only
www.jainelibrary.org
