________________
सिरिभुयणसुंदरीकहा ॥
तो ताओ गिरिसिरत्थं सव्वंगावयव्व (व) देहसंपन्नं । दट्ठूण वीरसेणं भएण चित्तंमि खुहियाओ ।।५४८९ ॥ जंपंति य अन्नोन्नं 'एस च्चिय अम्ह जीवियव्वासा । नारीओ त्ति सकरुणं जं न कुणइ खंडखंडेहिं ॥५४९० ॥ अपहुप्पंतीओ तओ तडत्ति तडिदंडतडयडरवेण । बीहाविऊण वीरं गयाओ दुक्खं गहेऊण ||५४९१ ।। तो एक्कंगो कुमरो चिंतइ चित्तेण 'पेच्छ. अच्छरियं । एयाओ कत्थ ? चक्किणिदेवी वि य कत्थ सुविणंमि ? ।। ५४९२ ॥ संपय-विवयाओ जओ समयं चिय संचरंति पुरिसाण । लद्धूण देसकालं पच्छा पयडाओ जायंति ॥५४९३॥ हा ! पेच्छ भवसभावं न ताओ नारीओ नेयं तं भवणं । गिरिणो वि न ते सव्वं नट्टं मायंदजालं व्व ।।५४९४।। जाहिं चिय अवहरिओ अणुरायपरव्वसाहि नाहिं । ताओ चेय सरोसं पहरंति ममंमि नीसंसं ||५४९५ || वीसरिओ नियभत्ता चिरपरिचियपेम्मबंधसंबंधो ।
५०१
हा हा ! निल (ल) ज्जाओ तव्वहगे कह णु रत्ताओ ? ।।५४९६ ।। अहवा न किंपि कज्जं अणिट्ठचित्ताए मज्झ एयाए । अइकुडिलसहावाओ नारीओ होंति पयईए ।। ५४९७ ।। ता कह होही संपइ चंपागमणं पहो व्व को एत्थ ?' । इय चिंतिऊण कुमरो उत्तरदिसिसमु ( म्मु ) हं चलिओ ||५४९८ ॥ पेच्छइ निरंतरं चिय धव-धम्मण - धाइनद्धधाहोडं । भल्लायंकोल्ल-महल्लसल्लई साहिसंकिन्नं ।।५४९९ ।
Jain Education International
For Private & Personal Use Only
www.jainelibrary.org
