SearchBrowseAboutContactDonate
Page Preview
Page 46
Loading...
Download File
Download File
Page Text
________________ 36 सिरिभुयणसुंदरीकहा ॥ "जीवो अणाइनिहणो घडत-विहडंतकम्मसंबद्धो । गयणविभाउव्व सया अन्नोन्नघणेहिं संजुत्तो ।।३९०।। एयस्स कम्मजोगो अणाइसंताणभवपवाहिकओ । चंदस्स केण कहिओ कलंकसंकामणादि य सो ॥३९१।। सामग्गियावसेणं कम्मग्गिअभिदुओ गइवसेण । पित्तलरसोव्व जीवो परिणमइ अणेगरूवेहिं ॥३९२।। दप्पणसरिसे जीवे तक्कम(म्म?)निउत्तपुरिसविणिउत्ते । तन्नत्थि जं न भुयणे संकमइ नराइयं रूवं ॥३९३।। तं किंपि कम्मवसओ सो जीवो दुट्ठपावमज्जिणइ । जेण घणदुक्खपउरे उप्पज्जइ घोरनरयम्मि ॥३९४।। अइदुब्बले अणाहे भयभीए सरणवज्जिए दीणे । जो हणइ निरवराहे जीवे सो जाइ नरयम्मि ।।३९५।। जं परदुक्खुप्पायग-मच्चंतमसुद्धहिययवावारं । तमसच्चं भासंतो पडइ नरो घोरनरयम्मि ॥३९६॥ जे दोसा जीववहे हरिए वि हु परधणम्मि ते दोसा । तं निग्घिणो कुणंतो सुनिच्छियं जाइ नरयम्मि ॥३९७।। जो परनारिपसंगं हियएण वि अहिलसेइ बहुपावं । सो आयसं जलंतं जुवई अवरुंडए नरए ॥३९८।। जे पावसमारंभा हियएण परिग्गहीयभुयणयला । बाढमसंतुट्ठमणा ते पुरिसा जंति नरएसु ।।३९९।। जो निसि निसायरुच्छिट्ठमसइ अन्नायनर-पसुविसेसो । सो अविवेई पुरिसो नरयम्मि महातमे पडइ ॥४००॥ Jain Education International For Private & Personal Use Only www.jainelibrary.org
SR No.001382
Book TitleSiribhuyansundarikaha
Original Sutra AuthorSinhsuri
AuthorShilchandrasuri
PublisherPrakrit Text Society Ahmedabad
Publication Year2000
Total Pages838
LanguagePrakrit
ClassificationBook_Devnagari, Literature, & Story
File Size10 MB
Copyright © Jain Education International. All rights reserved. | Privacy Policy