________________
४०२
सिरिभुयणसुंदरीकहा ॥ एत्थंतरंमि सूरो कुमरस्स पयावमसहमाणो व्व । बहुमच्छरेण निवडइ अत्थइरिसिराओ जलहिमि ॥४४००।। मुणिऊण तं तहाविह-मसमं कुमरेक्ककरपरिफु(प्फु)रणं । लज्जाए रवी मन्ने संकोइय (संकोयइ) करसहस्सं पि ॥४४०१।। पसरइ वारुणपुरघण-विलासिणीविविहभूसणमणीण । पच्छिमदिसाए संझामिसेण सोणंसुवित्थारो ॥४४०२।। वित्थरइ सव्वओ च्चिय कत्थूरीबहलसलिलपूरो व्व । डझंतागुरुघणधूवधूमपडलो व्व तिमिरोहो ॥४४०३।। अइदूरयरे पढमं पच्छा दरदूरसंट्ठियपयत्थे । अंतरइ तिमिरनिवहो कमेण नियडे सुनियडो वि ।।४४०४।। बुढि(ड्ढ)गएण दूरं कज्जलकसिणेण भयसरूवेण । गिलियं न दीसइ च्चिय भुयणं तमरक्खसेणं व्व ॥४४०५।। अपयडपयत्थसारं अणग्घपरनाणमसरिससरूवं । भुयणं निहयालोयं मज्जइ मोहे व्व तिमिरंमि ।।४४०६।। इय जाए कसिणभावं अंबरमिह कज्जलेण व तमेण । पक्खालंतो उइओ जोण्हादुरेण हरिणको ।।४४०७।। अक्वंतसयलभुयणं कयावयारं जणस्स तिमिरारिं । रोसारुणा हणंता पसरति व ससहरमयूहा ।।४४०८।। उदयद्दिदुमवणारुण-पल्लवसंकंतअरुणिमेहं व्व । नवकुंकुमरसरत्तं व होइ भुयणं ससिकरेहिं ।।४४०९।। अजरढजोण्हापढमं पयडइ पासायधवलसिहराई । कमलद्धजरढभावा स च्चिय भुयणं निरवसेसं ॥४४१०।। १. अस्तगिरेः ।।
Jain Education International
For Private & Personal Use Only
www.jainelibrary.org
