________________
३९०
मुणियजिणपवयणत्थो वि एत्तियं जं विलंबिओ कालं । तं तुह विओयदुत्थियचंदसिरीसंगमासाए ॥ ४२६८ ।। पढमं धूयादुक्खं तं तुह दुक्खेण सयगुणं जायं । जह विजयवईए तहा विसेसओ सयललोयस्स ||४२६९ || ता तद्दुक्खपवड्ढियविवेयसंसारसुहविरत्तस्स ।
मह परिणयं जमेसो दुहहेऊ सयणसंबंधी ॥ ४२७० ॥
ते विरला जाण सया सोक्खसमिद्धाण जायइ विराओ । दुहपीड ( डि) याण काण वि दुहे वि न उणो जहन्नाणा ||४२७१ ।। इय जायविराएण वि पुणोवि परिभावियं मए हियए । एसो न होइ समओ मह पव्वज्जाविहामि ||४२७२ ।। चंदिसिरि-कुमरदुस्सह- दुक्खेण वि पीडिओ जणो सव्वो । जइ पुण मह पव्वज्जा ता जायइ जयमहापलओ ||४२७३ ॥ जइ अणुयत्तइ दे (द) इवो ता धूयं अप्पिऊण कुमरस्स । कयसयलरज्जकज्जो जहोच्चिय (यं ) पुण करिस्सामि ||४२७४|| तुह वीरसेण ! निम्मलपुन्नेहिं जहेत्तियं समावडियं । अन्नं पि तहा होही तुहाणुहावेण भद्दयरं ॥ ४२७५ || जा पुव्वकप्पिय च्चिय नियपाणपयाणओ तए कीया । सा पत्थणामहग्घं घेप्पउ नरनाह ! चंदसिरी ||४२७६ ॥ एत्तियकज्जनिमित्तं न तए वि सयं गहेण परिणीया । रत्तेण वि अणुरत्ता मए अदिन्नत्ति चंदसिरी ||४२७७ || कस्सेत्तिउ (ओ) विवेओ ! कस्स महासत्तया वि इयरूवा ! | कस्सिदियमणसंजमसत्ती ! जह तुज्झ संपत्ता' ||४२७८ ॥
Jain Education International
सिरिभुयणसुंदरीकहा ॥
For Private & Personal Use Only
www.jainelibrary.org.
