________________
३८६
लावन्न-रूव-निवसण-महग्घमाणिक्कभूसणधराण ।
पौराण खेयराण य उप्पयणकओ च्चिय विसेसो ||४२२४।। धवलब्भछत्त-चामर-मंजरिहत्थेहिं परिगओ कुमरो । सरय-महूहि व मयणो सेहरयासोयराएहिं ॥। ४२२५।। · सोहइ गयणंगणघोलमाणनाणाविमाणसंघट्टो ।
वद्धाविउं च (व) आओ सुरलोओ मच्चलोयस्स ||४२२६ ॥ कत्थ वि पसत्थमंगल-गीयगुणाणंदवड्डिउच्छाहो । अन्नत्थ बंदिमुहसुयनियगुणसामलियमुहच्छा ( छा) ओ ।।४२२८७ ॥ एक्कत्तो मणवंछिय-धणलाहपहिट्ठजणसुयासीसो ।
अन्नतो (त्तो) अंतेउरथेरीकयनट्टपरिहासो ||४२२८|| कत्थ वि पढंतबंभणअणुकंपाच्छिन्नजम्मदालिहो । अन्नत्थ मग्गसंट्ठियपेच्छणयनियच्छणसयण्हो || ४२२९ ।। कत्थ विनयरमहंतय-कयदिट्ठिपसायवसनमिज्जंतो । अन्नत्थ पयाताडणपडिहारनिवारणक्खणिओ ।।४२३०।। इय नाणाविहपुरसंपवेसवै (वइ) यरनिरिक्खणक्खित्तो । पत्तो नयरब्भंतररायपहं सोहियं कुमरो ।।४२३१।। 'नूणमणेणं एही कुमरो मग्गेण' इय वियप्पेण । नियनियभवणाणुवरिं आरुहइ नयरतरुणियणो ||४२३२ ।। जह जह एइ समीवं रायसुओ तह तहा सुविडोव । परिसंकडाइ मग्गो समोत्थरंतेण लोएण ॥४२३३ ॥ जत्तो च्चिय अवलोयइ कुमरो नयणुप्पलेहिं तरुणीण । ततो च्चिय अंचिज्जइ वलंतकंठद्धवलिएहिं ॥। ४२३४ ||
Jain Education International
सिरिभुयणसुंदरीकहा ॥
For Private & Personal Use Only
www.jainelibrary.org
