________________
३८०
सिरिभुयणसुंदरीकहा ॥ 'तह कह वि देवि ! पसरइ पुव्वभवब्भासओ महामोहा ।। गरुया वि जहा मन्ने अणेण दूरं नडिज्जति ॥४१५८॥ नणु देवि ! अउव्वो च्चिय को वि पसाओ ममंमि देवस्स । जं पेच्छ अणुच्चि(चि)एणं समागओ अद्धपंथेण ॥४१५९॥ तो देवि ! अवयरिज्जइ धरणियले उन्नई इमा चेव । जं चरणतले वासो गुरूण पडणं खु विवरीयं ॥४१६०॥ विणयारिहेसु सुंदरि ! दुविणओ दुक्खकारणं होइ । विणओ हि ताण विहिओ कल्लाणपरंपराहेऊ' ।।४१६१।। 'सव्वेसु वि कज्जेसु तुमं पमाणं' ति चंदसिरिभणिए । वाहरइ वीरसेणो सप्पणयं सेहरासोए ॥४१६२।। तो संभमप्पधाविरवच्छत्थलघोलमाणहारलया । 'देहाएसं' भणिरा सिररइयकरंजली पत्ता ।।४१६३।। 'एसेस महाराओ सेणासंघट्टदलियमहिवीढो । संपत्तो ता तुरियं ओयरह समं'ति ते भणिया ॥४१६४।। तो ते कुमारआणं सीसेण पडिच्छिऊण सेसं व । तक्खणमेत्तेणं चिय अवयरिया धरणिवीढमि ।।४१६५।। जो खज्जोयगणो इव तारानियरो व्व भाणुभूओ व्व । कमसच्चवियावयवो जणेण ट्ठिो विमाणोहो ।।४१६६॥ जो उद्धच्छिनियच्छिर-पेच्छयजणजणियविम्हयाणंदो । सो खेयराण निविहो(डो) ओयरइ विमाणसंघट्टो ।।४१६७।। नीहरइ ललियकोमल-लडहुब्भडकयवियड्डसिंगारो । चंदसिरीए समओ कुमरो नियमणिविमाणाओ ॥४१६८।।
Jain Education International
For Private & Personal Use Only
www.jainelibrary.org
