________________
सिरिभुयणसुंदरीकहा ॥ तत्थत्थि खेत्तवालो खंडकवालोत्ति नयरिसुपसिद्धो । खडहडियसिरह(सिहर)भायं देवउलं निवडियं तस्स ॥२६९।। पासायवडणयपयडियकोवो सो तक्खणेण पलओव्व । भुयणस्स वि भयजणओ धाओ हरिविकुमाभिमुहं ।।२७०।। जा अभिट्टइ पिउणो पउणीकयसव्वपरियराबंधो ।
ता हक्कंतो सहसा समागओ ताण पासम्मि ॥२७१।। अवि य-निम्मंसदीहदेहो विसमनसाजालजडिलियावयवो ।
घणवेल्लिजालनद्धो संसुक्को तालरुक्खोव्व ॥२७२ ।। अइकसिणदेहमंसल-मसिमसिणपहाहिं गयणधरणियलं । लिंपतो इव दिट्ठो करालमुहजालदुपे(प्पे)च्छो ॥२७३।। दढदीहअट्ठिसंठाणमेत्तजंघोरुदंडजुयभीमो । । कडिवग्घचम्मनिवसण-महाहिकयपट्टियाबंधो ॥२७४।। निम्मंसउयर-कुहरंतरालझुलंतअंतहारलओ । हिययट्ठिपंजरंतरनिन्नुन्नयभायभयजणओ ॥२७५।।
अइदीहकंधराकीलकोडिनिम्मंसठियकरोडिव्व । निच्छोल्लियगल्लपलट्ठिमेत्तमुहभायदुपे(प्पे)च्छो ॥२७६।। गुरुकूवसलिलसंकेतरविसमायारकविलभीमच्छो । कन्नंतरालझुलंत-पुरिससिरकुंडलाहरणो ॥२७७।। दरकुडिलकडारुव्वुद्धकेसअहकायकसिणमसिवन्नो । जालासयपज्जलिओ तलघणनूमोव्व हव्ववहो ॥२७८।। अइरोसवसनिकरिसिय-दसणुब्भडकडयडारवकरालो । करकलियअद्विखंडुग्गकत्तियानिहसणसयण्हो ॥२७९।।
Jain Education International
For Private & Personal Use Only
www.jainelibrary.org
