________________
३१२
सिरिभुयणसुंदरीकहा ॥ एवं जा पेच्छंतो सो अच्छइ. ताव तत्थ संजमियं । पेच्छइ मित्तं खेयरपडिरुद्धं बंधुयत्तं पि. ॥३४१३।। ओलक्खिऊण मित्तं चिंतइ चित्तंमि वीरसेणो वि । 'हा एस मज्झ मित्तो कह पत्तो एरिसावत्थं ? ||३४१४।। अहवा न सा अवत्था इह अत्थि नरस्स जा न संभवइ । विगुणविहिविलसिएणं विसमदसाकूवपडियस्स ॥३४१५।। ता पेच्छामि किमेए कुणंति एयस्स खेयरा कुद्धा ? । पच्छा जमेत्थ उचियं तमहं सयमेव काहिस्सं'।।३४१६॥ तो तेहिं बंधुयत्तो नीओ नियसामिसन्निहाणंमि ।। जोक्कारिऊण भणिओ खयरेहिं पहू इमं वयणं ॥३४१७॥ 'तुम्हेहिं देव ! पुट्विं बहुमाया(?य?) असोयसुद्धिलहणत्थं । वेयड्डाओ तुरियं नासिकं पेसिया अम्हे ॥३४१८।। तत्थागएहिं नायं हरिय असोएणं देव ! चंदसिरी । दाहिणदिसाए नीया उज्जाणाओ विमाणेण ॥३४१९॥ इह को वि वीरसेणो सुव्वइ सो तीए मग्गओ लग्गो । सो देव! महासुहडो नियविक्कमविजियतेलोको ॥३४२०।। रूवेण निरुवमाणो संपुण्णकलाहि हसियसियकिरणो । केत्तियमेत्तं व धणं? विमग्गिओ देइ जीयं पि ॥३४२१।। एवंविह गुणजुत्ते तंमि कुमरंमि तयणुरत्तंमि । सा चंदसिरी निब्भरघणपिम्मपरव्वसा रत्ता ।।३४२२।। तिस्सा सरीरमेत्तं विज्जासत्तीए हरउ सोऽसोओ । सा उण न तस्स सत्ती तिस्सा हिययं जहा हरइ ॥३४२३।।
Jain Education International
For Private & Personal Use Only
.
www.jainelibrary.org
