________________
२९०
ते तुह मणोरहा वीरसेण ! परमाणुरायसंपन्ना ।
हा पवणकेउणा किं नि (नी) या विहलत्तणं एपिंह' ? ।।३१७१।।
सिरिभुयणसुंदरीकहा ॥
इय एवमाइबहुविहपलावसयदुक्खिया य जा रुयइ ।
ता तीए थेरिनारीए ज्झत्ति च्छीयं समीवंमि ।। ३१७२ ।। 'जीवसु तुमं'ति भणिउं सा भणइ 'मणोरहा कुमारस्स । होहिंति न ते विहला इय कहियं मज्झ च्छी (छी) एण' ||३१७३।। सोऊणं चंदसिरी दुव्वयणविघायकारयं छीयं ।
ईसीसि आससंती थेरिं पइ भणइ वयणमिणं ||३१७४ | 'अंब ! न छीयं अलियं लोओ पुण भणइ जं असोयव्वं । ता कीइसो भविस्सइ परिणामो एत्थ नो जाणे ||३१७५ || कोहंड करेज्ज सया कुसलं चिय अज्जउत्तदेहंमि ।
जइ पूइया सि भयवइ अम्बाए मए वि भत्तीए' ।।३१७६।। इय एवं जा चिट्ठइ चंदसिरी सबंधुजीवाए ( ? ) | सह जंपती सहसा समागओ तो असोओ वि ।। ३१७७ || वियसियमुहतामरसो तुरियपयक्खेवदलियभवतो ।
दिन्नासणोवविट्ठो वुड्डाए समीवदेसंमि ||३१७८ ॥ एत्थंतरंमि कुमरो समागयं जाणिऊण खयररिंउं । खग्गंमि खिवइ दिद्धिं रणरसरोमंचियसरीरो ।। ३१७९ ।। 'निसुणेमि ताव एसो किं जंप किं करेइ खयरिंदो । लद्धूण तओऽवसरं जं उचियं तं करिस्सामि' ||३१८० ।। इय सो अलक्खरूवो निगूढनिज्जूहएण अंतरिओ । तव्वयणसवणविणिहियमणपसरो अच्छा कुमारो ||३१८१ ||
Jain Education International
For Private & Personal Use Only
www.jainelibrary.org
