________________
२५३
सिरिभुयणसुंदरीकहा ॥
एएण कारणेणं भणामि मा उवचिणेहि अइघोरं । जीववह-मंसभक्खण-परावयारेहिं दुक्कम(म्म) ॥२७६४।। एएण रक्खसेसर ! असंगयं बहुविहाई(इ) दुक्खाइं । पाविह(हि)सि महानरए अइनिंदियकूरकम्मेण ।।२७६५।। पुण भणइ रक्खसिंदो सकोवमिव विसमफुरियदसणोट्ठो । 'जइ धम्मिट्ठोसि तुमं ता पंथिय ! चयसु पावाइं ।।२७६६।। तुह वयणेण न अम्हे पच्चक्खं हिययनिव्वुइकरं वि । एयं नियमायारं परोक्खधम्मत्थमुज्झामो' ।।२७६७।। एयं भणिऊण तओ ‘रक्खसु मं वीर! इय पयंपंतो । खित्तो ‘दड'त्ति पुरिसो वसुहाए पिसायराएण ॥२७६८।। तो कड्डिऊण तुरियं निसायरो निसइ हड्डखंडम्मि । नियकत्तियं नरामिसविसेसभुक्खाए व जलंतं ॥२७६९।। एत्थंतरंमि कुमरो करुणारसपरवसो निएउणं । तं निग्घिणं पवित्तिं पभणइ ‘मा मारसु इमं ताव(ता) ||२७७०।। जइ तुज्झ पिसायाहिव ! अणुबंधो पुरिसमंस-रुहिरेसु । ता नरमेयं रक्खसु मं भक्खसु कुणसु मह वणं' ।।२७७१।। तो भणइ रक्खसिंदो 'न तुमं मह राइणा वि दिनो सि । ता कह पहियमउव्वं जायालावं च भक्खामि ?' ||२७७२।। पुण भणइ वीरसेणो ‘किं मह जीएण जस्स पच्चक्खं ।। करुणं विलवंतो च्चिय एसो मारिज्जए पुरिसो ? ॥२७७३॥ अन्नाय-पत्थणाभंगदुसहदुक्खो म्हि पत्थिओ सि मए । एयं रक्खसु पुरिसं मं भक्खसु, एस ते पणओ' ॥२७७४।।
Jain Education International
For Private & Personal Use Only
www.jainelibrary.org
