________________
२३८
सिरिभुयणसुंदरीकहा ॥ भयवेविरोरुयाओ थरहरियथणंतरालहाराओ । विसमपयक्खेवविहडियमंथरगइगमणलीलाओ ॥२५९९।। परिच्छु(छु)डियकेसपासाओ पडियसियकुसुमसुरहिदामाओ । तरलच्छितारयाओ पेच्छइ सो वारनारीओ ॥२६००। चत्ताओ(उ) पलंबिरभुयजुयलं मुक्वविक्कमुक्करिसं । अवलंबिय दीणत्तं नियइ पलंतं सुहडसेन्नं ॥२६०१।। अइतिक्खखुरुक्खयखोणिवीढरयपसरपूरियदियंतो । अगणियखत्तायारो ससाहणो पलइ नरवालो ॥२६०२।। 'परित्ता(ता)यहि'त्ति भणिरिं पियभज्जं पिठ्ठओ परिच(च्च)यइ । नियपाणरक्खणटुं पलइ नरो को वि गयलज्जो ॥२६०३।। चइऊण पियं पुत्तं रिक्खंतं पिट्टओ भउब्भंतं । आसंघियवयणीया पलाइ कुलबालिया का वि ।।२६०४।। चइऊण अवयणिज्जं अइसयजरजज्जरंगबहिरंधे । जणणि-जणए वि सभए पलायि पुत्तो तुरियतुरियं ।।२६०५।। अनो(नो)न्नावीडणसंघडंतजणरुद्धवियडमग्गंमि । ओयारमलहमाणो पलायए उप्पहं लोओ ॥२६०६।। इय पुरओ पुरलोओ पलायमाणो वि पेक्खिय कुमारं । निब्भयसरूवदंसणसविम्हओ तक्खणे जाओ ॥२६०७॥ अवलोइओ भडेहिं पडिहयसुहडत्तदीणवयणेहिं । . नियविक्कमओहावियतेलोक्कभडो महावीरो ।।२६०८॥ ईसि ईसि(ईसीसि) विहसिऊणं दरदक्खिणबाहुक्खि(खि)त्तनयणेण । पुट्ठो पलायमाणो ‘किंकि'न्ति जणो कुमारेण ॥२६०९।।
Jain Education International
For Private & Personal Use Only
www.jainelibrary.org
