________________
२१२
अह तत्थ पविसिऊणं मज्जइ संतावतावियसरीरो । कोमलमुणालियाविहियपाणवित्ती जलं पियइ ||२३१२।। तत्तो निग्गंतूणं घणनीलतमालकोमलदलेहिं । अत्थू (त्थु ) रणं काऊणं उल्लरइ खणं परिस्संतो ॥२३१३॥ जावच्छइ सरसोहं पेच्छंतो ताव तक्खण च्चेय । निसुणइ वीणारववेणुमीसियं गीयज्झंकारं ॥२३१४।। सोऊण तं कुमारो गीयरवं उट्ठिऊण कत्थ इमं ? | जा जोयइ ता पेच्छइ सरमज्झे वित्थयं (डं ? ) दीवं ||२३१५॥ चउसुं पि दिसासु अलंघगहिरसरसलिलवेढियं सहइ । जंबुद्दीवं व सुमेरुसरिसपासायकयसोहं ।। २३१६॥ कोऊहले पत्थू (त्थु ) यगमणं पि उवेक्खिऊण रायसुओ । कहमेयं दव्वं गीयं व्व कह सुणेयव्वं ? ।।२३१७ ।। को वा देवविसेसो इह च परिट्ठिओ ? इमे के वा । गायंति तस्स पुरओ पराए भत्तीए कयपुन्ना ? ।।२३१८ || इय चिंतिऊण हियए गमणोवायं अपेच्छमाणो सो । अच्छा उच्छुकमणो कोऊहलपरवसो कुमरो ||२३१९ ।। एत्थंतरम्मि एगो समागओ तत्थ उदयपाणत्थं । वणवारणो महंतो गंडत्थलभमिरभमरउलो ||२३२०॥ तं दट्ठूण कुमारो चिंतइ एयं समारुहेऊण । वच्चामि थेवदूरं तत्तो करणेण गच्छिस्सं ।।२३२१।। तो दूरमुड्डिऊणं आरूढो तस्स खंधदेसम्मि । तो तज्जिओ तुरंतो सरमज्झे गंतुमारो ।।२३२३॥
Jain Education International
सिरिभुयणसुंदरीकहा ॥
For Private & Personal Use Only
www.jainelibrary.org
