________________
सिरिभुयणसुंदरीकहा ॥
11
तुह देव ! को न याणइ परक्कुमं जं सुरिंदपच्चक्खं ? । एयाण पुणो बहुसो सिरिम्मि भग्गं तए खग्गं ।। १५७६ ।। ता सव्वपयारेणं कुमरो च्चिय देव ! रक्खणीओ ते । कुमरावयारकज्जे एयाण वि एस पारंभो ॥१५७७ || जइ अच्छसि कज्जवसा चंपामज्झम्मि कुमररक्खट्ठे । ता एत्तिएण किं तुह परक्कमो अन्नहा होही ? ।।१५७८ ।। तो भणइ सूरसेणो मा एवं भणह, देवया तस्स । काहंति देहरक्खं उवउत्ता वीरसेणस्स ।। १५७९ ।।
किं अलियं चिय संकह ? विग्घं चिय नत्थि वीरसेणस्स । मज्झवि न एत्थ मरणं जाणामि निमित्त - सउणेहिं ॥१५८० ॥ संबोहिऊण राया मंतियणं एरिसेहिं वयणेहिं । तो रचियअग्गिबाणो अब्भिट्टो सत्तुसेन्नस्स ।। १५८१ ।। एत्थंतरम्मि गयणे किंनर - सुर-असुर-सिद्ध-गंधव्वा । विज्जाहरा य विविहा विज्जाहरिविंदपरियरिया ||१५८२ ॥ पेच्छंति महासमरं सविम्हओब्भंतनयणतामरसा । वियडे वि गयणमग्गे ओवासं कहवि न लहंता ||१५८३ ॥ नीसेसधरावलएसु केइ जे अत्थि वेरिनरवइणो ।
मित्ता व अमित्ता वि य सव्वे चिय तत्थ ते मिलिया ।। १५८४ ।।
मित्तावि सत् संघड-पडिया सत्तुत्तणं पयासंति ।
सव्वेसिं रायाणं मिलिया कि सोलस सहस्सा ||१५८५ ।। ताणं च सेन्नसंरवा पायं अक्खोहणीओ बत्तीसं ।
सव्वेसिं मिलियाणं इय माणं सत्तुसेन्नाणं ।। १५८६ ।।
Jain Education International
१४५
For Private & Personal Use Only
www.jainelibrary.org
