________________
५२. १२. ७ ] कहकोसु
[ ५२७ सदेसो ससामंतवग्गो समग्गो
तिणा बोहियो जइणधम्मम्मि लग्गो । सभत्ती सव्वत्थ सीयब्भसोहा
विसेसेण काराविया चेइगेहा । १० तो सव्वहा बुद्धधम्मम्मि चत्ते
हुए पत्थिवे वीयरायस्स भत्ते । स कोवग्गिणा वंदनो पज्जलंतो
सया अच्छए तव्वहोवायचित्तो। घत्ता-एक्कहिँ दिर्ण जयसेणु पहु जिणधम्मामयरंगें राविउ ।
सुमईपुहइपुराहिवेण बुद्धसेणवयणेण भणाविउ ।।१०॥
११
दुवई-सोहणु बुद्धधम्मु परिहरेवि न तुह जिणधम्मु जुज्जए ।
काउं मित्त खीरु महुरुज्झवि किं सउवीरु पिज्जए । जइ सुंदर अम्हइँ पडिवज्जहि
तो खवणाणउ धम्मु विवज्जहि । केमवि तं नउ तेण समीहिउ
गंपिणु पुरिसें समइहे साहिउ । तेण वि रूसेवि भडसहसाहिउ
पेसिउ अचलनामु तत्थाइउ । बहुसामग्गिए लद्धविसेसें
आवासिउ बहि भम्मह वेसें । तम्मारेवर छिद्द नियंतउ
अच्छइ पुरे ववहारु करंतउ । एक्कहिँ दियहे तेण नियपरियणु
भणिउ कज्जकरणाणंदियमणु । अत्थि कोइ जो एत्तिउ सारण
एहु दुठ्ठ पुहवईवइ मारण। एउ सुणेप्पिणु विक्कमसारें
भणिउ भडेण नाम अहिमारें। १० मारमि हउँ थिरु थाहि असंसउ
एम भणेप्पिणु परमोवासउ । गउ तहिँ जहिँ अच्छइ परमेसरु
जइवइ भव्वंभोरुहनेसरु । घत्ता--धम्मु सुणेप्पिणु तेण मणि धुत्तें विणयपरेण पउत्तउ ।
दूसहु मज्झु कुडुंबदुहु दिज्जउ पहु तवयरणु निरुत्तउ ।।११।।
१२
दुवई--अइपायरु निएवि अवियाणियतप्परिणामवित्तिणा।
जइवसहेण तासु तउ दिन्नउ भुवणुच्छलियकित्तिणा ।। तहिँ कइवयवासर जंति जाम
अवरण्हे महीवइ पत्त ताम । भावें अंचेवि थुणेवि देउ
वंदेवि सूरि संधे समेउ । नियगुज्झु किं पि पुच्छहुँ मुणिंदु
एयंते पइट्टउ मढे नरिंदु। नीसारिउ बाहिरे सव्वु को वि
अहिमारु परेक्कु अलक्खु होवि। बंधेप्पिणु कमु सीहु व मयासु
थिउ थंभंतरे ल्हिक्किवि हयासु ।
Jain Education International
For Private & Personal Use Only
www.jainelibrary.org
