________________
४६. २२. १० ] कहकोसु
[ ४६६ तहो जम्मसणेहिं एक्कचित्तु
संजायउ मित्तु कुवेरकंतु । वेन्नि वि दिणदिवसयर व सहंति
एकत्थ रमंति भमंति थंति । १० घत्ता-एक्कहिँ दिर्ण सुहिणे सुहि विच्छायाणणउ । पेच्छेवि पुच्छिउ' किं तुहुँ दीसहि दुम्मणउ ॥२०॥
२१ ता सिरिहरेण तहो कहिय वत्त
प्रायन्नहि मित्त कुबेरकंत । तुह पिय मणिकंबलु वीसरेवि ईसावस महु पिय तं निएवि ।
मुय पासायो अप्पउँ घिवेवि। हा हयउ विरूवउ इय चवंतु
गउ तहिं तं नियहुँ कुबेरकंतु । पेच्छवि मेत्ताणी मुय मयच्छि
पासायहो पडिय कुबेरलच्छि। ५ जायउ जाईसरु दियपहाणु
संभरवि तेण चिरभवविहाणु । भासिउ वयंस इसाइ नडिय
जिह आसि मलय सिहराउ पडिय। मुय मलया नामें महु मणोज्ज
तिह एवहिँ इह तुह एह भज्ज । इय मित्तहो कहेवि सिणेहवंतु
कहिँ पेक्खमि सा इय चितवंतु। होएवि गहिल्लउ बुद्धिवंतु
उज्जतहो गयउ कुबेरकंतु। १० घत्ता-तत्थ खगिदें केण वि कइवि विमोहणिय । दिन्न विज्ज तूसेप्पिणु तासु विउव्वणिय ॥२१॥
२२ ता एवि निवंगणे गायमाणु
मलयानामेण पणच्चमाणु । दियपुत्तु निएवि मणोहरीण
चिरभउ संभरिउ मणोहरीण। पेसिय सहि हक्कारहुँ न एइ
वाउलउ अलियउत्तर देइ । अप्पिउ पडु जहिँ चिरजम्मु लिहिउ सो नेवि तारा तहे पुरउ निहिउ । तं पेच्छेवि मुच्छिय पडिय कन्न
कह कह वि समुट्ठिय थिय विसन्न । ५ एत्तहे परिहरिवि गहिल्लवेसु
गउ सो नियभवणही विरहसेसु । पुच्छिउ ताएँ तुहुँ किं निमित्त
जाओ सि पुत्त उम्मत्तचित्तु । ता कहिउ तेण जो जेम वित्तु
वइयरु परिप्रोसिउ तायचित्तु । ता तहिँ कुमारि विरहेण तत्त
आयनेवि तारिस ताहि वत्त । पुहईसरेण पुच्छेवि मंति
अविरोहु सयंवरु रइउ झत्ति । १० २. १ कुछिउ।
२१. १ सिणेहभंतु।
Jain Education International
For Private & Personal Use Only
www.jainelibrary.org
