________________
सिरिचंदविरइयउ
[ ६.६. ३तं कहं ? पलियंक-निसेज्ज-गदो पडिलिहिय कयंजली कदपणामो।
सुत्तत्थजोगजुत्तो पढिदव्वो आदसत्तीए ॥ [मूला. २८१] विणएण सुदमधीदं जदि वि पमादेण कह व वीसरिदं । तं उवठादि परभवे केवलनाणं च प्रावहदि ।। [मूला. २८६]
।। एवं विणयक्खाणं गदं ॥ पुरि अहिछत्ति राउ वसुवालउ
वसुमइदेविहे कंतु गुणालउ । सहसकूडु नामेण जिणालउ
तेण कराविवि सुठ्ठ सुहालउ । तम्मि पुणो पारंभिय देवो
पासहो पडिम जयत्तयसेवहो । किज्जइ दिणि निसाहे सा विहडइ
रायरोसु लेप्पयरहो निवडइ। १० वित्थारइ मारइ नीसारइ
दिणि दिणि अवर अवर हक्कारइ । एवं गदवदि कालें आयो
अन्नो लेप्पयरो विक्खायो । देवाहिट्ठिययं जाणेप्पिणु
गंपिणु गुरुपयाइँ पणवेप्पिणु । तन्निमित्त पुयाइ करेप्पिणु
महमंसाइ अवग्गहु लेप्पिणु । तेणाणोवमु भुवणाणंदहो
निप्पाइउ पडिबिंबु जिणिदहो। १५ घत्ता-तं जोएवि पोमाएवि वरवयगहिँ परिप्रोसें ।
विनाणिउ सम्माणिउ पउरत्येण महीसें ॥९॥
दुवई-एवंविहा वि साहुसंघेण विसंसयभावपावहं ।
गहियावग्गहेण पढिदव्वं सुयनाणं सुहावहं ॥ तं कहं ? आयंविल निम्वियडी अन्नं वा जस्स होदि जं जोग्गं ।
तं तस्स करेमाणो उवधाणपरो हवदि एसो॥ [मूला. २८२] सम्मत्तम्मि तम्मि सुयणाणे इंदाइहिँ सयं कया । पुज्जा पाविऊण पाविज्जइ अक्खयसोक्खसंपया ॥
॥ एवं उवहाणवखाणं गदं ॥ निसुणहो भासमि बहुमाणही कह
पुरि कासीविसयम्मि सुहावह । वाराणसि भणेवि जाणिज्जइ
इंदु वि जाहि सनयरिहे लज्जइ । अत्थि सया अणुहुंजियभद्दो
राया तहिँ पसिद्ध वसुभद्दो । वसुमइ नामें पाणपियारी
पिय तहो सव्वंतेउरसारी। अत्थि समीवि ताहे गंगायडि
गामि पलासखेडि जणसंकडि ।
१०
Jain Education International
For Private & Personal Use Only
www.jainelibrary.org
