________________
४८ सिरिचंदविरइयउ
[ ४. २०१० मंगलधवलगेयथुइवाएँ
पहयाणेयाउज्जनिनाएँ। १० परमुच्छाहें जयजयकारें
भामिउ रहु पुरि खयरासारें। पेच्छेप्पिणु एयं अच्छरियं
नरवइणा दुरियं परिहरियं । बुद्धदासिसहिएण सराएँ
अवरु वि परियणेण तहुँ राएँ । संदरिसावियसासयसम्मो
पडिवन्नो परमो जिणधम्मो। रहवित्तंतपरूवणपिसुणं
तत्थेक्कं थूहं थविऊणं । १५ घत्ता-पविकुमारु पुज्जेप्पिणु गुरुहु नवेप्पिणु जणमणनयणाणंदयर ।
साहम्मियसाहारण परिहववारण गय गेहहो ते गयणचर ॥२०॥
२१
हेला-अज्ज वि देवनिम्मियो अच्छए स थूहो।
कोड्डुणा निएइ गंतूण लोयजूहो ।। जण वज्जकुमारु परेक्कु धन्नु
को करइ पहावण एव अन्नु । सव्वण्हु अणिदिउ वीयराउ
होएवि जयत्तयपुज्जपाउ । कालेण कम्मकाणणहुयासु
संपत्तउ सासयसुहनिवासु । धम्मत्थसत्थवित्थरणसारु
पावयणीवाइमयावहारु । नेमित्तिउ संभूइयनिमित्तु
तवसी वि परममज्झत्थवित्तु । ए पंच वि जण जइवरपहाण
ए पंच वि गुणगणमणिनिहाण । ए पंच वि दुहनिन्नासणासु
भासयर भणिय जिणसासणासु । अवरु वि विणिवारियभवभवेण
नाणाविहेण दूसहतवेण । नाणे विन्नाणे नवनवेण
दाणेण जइणमहिमुच्छवेण । जोइसमंतोसहिविज्जएण
अवरेण वि लोयमणोज्जएण । घत्ता-कहीसइ सुहदावण धम्मपहावण वज्जकुमार जेम जणु ।
सो सिरिचंद सुरिंदहिं नविउ नरिंदहिँ जाएसइ सासयभवणु ॥२१॥ विविहरसविसाले णेयकोऊहलाले, ललियवयणमाले अत्थसंदोहसाले । भुवणविदिदनामे सव्वदोसोवसामे, इह खलु कहकोसे सुंदरे दिन्नतोसे ।।
मुणि सिरिंचदपउत्ते सुविचित्ते पंतपयदसंजुत्ते । जिणबरसमयपहावरणकहाणयं चउत्थो संधी ।।
॥ संधि
४॥
Jain Education International
For Private & Personal Use Only
www.jainelibrary.org
