________________
४० ] सिरिचंदविरइयउ
[ ४. ८. ६सुमित्तसन्नं [सिव-1 सोक्खपावणं मुणिंदमासेवितमेव पावणं । विमुक्कगंथो परियत्तसन्नो
हुमो जई जित्तकसायसन्नो। महामई सो गुणहंसमाणसो
समेण संघेण विसुद्धमाणसो। बुहेसु संपत्तमहापहुत्तो
कमेण सोपारपुरं पहुत्तो । थिरासो अप्पपहूइतत्तए
विचिंतयंतो रविभेयतत्तए। १० सिलायले सीलनिहाणु अच्छए
नगभ्मि [ता] ताहि स जोइ अच्छए। तो समुल्हाणसनेहवत्तिया
सुणेवि केतस्स तवस्स वत्तिया । समं विसाएण तमेण पत्तिया
हुया सुरूवाणलि नाइँ पत्तिया । पसूय पुत्त बहुलक्खणन्नियं
लएवि रोसेण सहोयरं नियं । घत्ता-सा विहिसुद्धि लहेप्पिणु तहिँ जाएप्पिणु झाणेसियह जईसरहो।
घल्लिवि तहो सोमालउ अग्गण बालउ गय बहु दुब्बोल्लिवि घरहो॥८॥
.
हेला-अद्धप्पहरसंजुया निवि सा सबंधू ।
विट्ठि व चित्ति संकियो भव्वपोमबंधू ॥ वयभंगोवसग्गु जाणेवि नट्ठनेहो ।
दुविहाणसणि संठिो धम्मसाहिमेहो ।। एत्तहि अमरा [वइ-] पुरपहाणु
विज्जाहरु विज्जाबलनिहाणु । ५ नामेण दिवायरदेउ अत्थि
दुन्नयतमदूसणु गुणगभत्थि ।। सो विहिवसेण विहियायरेण
रज्जत्थिं लहुणा भायरेण । बलिएण पुरंदरसन्नएण
खलवयणपवडूिढयदुन्नएण। संगामे परज्जिवि पहयमाणु
नीसारिवि घल्लिउ बलसमाणु । सोवन्ननयरि नियसालयासु
थिउ एवि विमलवाहणहो पासु। १० नहे वंदणहत्ति परिभमंतु
एत्थंतरि तत्थायउ सकंतु । मणि वंदिवि पेच्छेवि सिसु अणिंदु
थीमुहु निएवि जंपइ खगिंदु । केणेत्थ न जाणिउ [कि पखित्तु]
पित्र एहु बालु लक्खणविचित्तु । किं बहुणा लइ होसइ महंतु
दूसहपयाउ बहुलद्धिवंतु । वज्जंकियकरचरणाहिरामु
तहो वज्जकुमारु करेवि नामु। १५ जय कारिवि जइ रंजियमणाइँ
गेहहो गयाइँ वेन्नि कि जणाइँ। तहिँ सिसु कुलकुमुयाणंदु देंतु
वड्ढिउ णवयंदु व कलउ लेंतु । घत्ता-~-नाणासत्थपुराणइँ बहुविन्नाणइँ सिक्खिउ जणमणमोहणइं ।
थंभणु वइरिनिसुंभणु विविहु वियंभणु वसियरणं जणखोहणई ॥९॥
Jain Education International
For Private & Personal Use Only
www.jainelibrary.org
