________________
કુબેરદત્ત
છે
૪૩
૪૯
-
કહે.
મહારાજ! આગંતુકે વિનયપૂર્વક કહ્યું હું કહીશ તો કદાચ આપને વિશ્વાસ નહિ બેસે. એ કરતાં હું આપને દંડનાયકનો પત્ર જ આપું. એ વાંચશો એટલે આપને બધો જ અંદાજ આવી જશે. આમ કહેતાંવાર તેણે પોતાની કેડે બાંધી રાખેલો પત્ર છોડ્યો અને રાજાજીના હાથમાં સુપ્રત કર્યો.
સભા તાજુબ થઈ ગઈ. બધાને લાગ્યું કે માણસ સાવ બિનપાયાદાર નથી જણાતો.
રાજાજીએ તત્પણ પત્ર ઉઘાડ્યો ને વાંચવા માંડ્યો. જેમજેમ વાંચતા ગયા તેમ તેમ તેમના ચહેરાની રેખાઓ તંગ બનતી ગઈ. લેખ વાંચી લઈને તેમણે તેનો ટૂંકો સાર સભાને કહી સંભળાવ્યો.
સિંહ રાજાએ સામી છાતીએ લડાઈ ન આપતાં પોતાના ગઢમાં ભરાઈ, દરવાજા બંધ કરી દીધાં છે, ને કપટ-લડાઈ ચાલુ કરી છે. ગઢની બહાર ખાઈ અને તેની ચોફરતી એક ગાઉ જેટલી પહોળી બાવળીયાની તીખી અને ગાઢી કાંટ પાથરી દીધી છે. રણધવલે તેને ફરતો ઘેરો ઘાલ્યો છે. પેલી કાંટને તો બાળી બાળીને સાફ કરી દીધી છે, પણ સિંહપુરના ગઢને ભેદવો જરા દુર્ગમ હોવાનું તે જણાવે છે. " એમાં વળી તેણે એક નવો કારસો ગોઠવ્યો છે. તેની પડોશમાં રહેલા ખસ દેશના રાજાને તેણે ભંભેર્યો છે કે તું મારી વહારે નહિ આવે તો આ લોકો મને જીતશે, પછી સીધા અહીંથી તારા પ્રદેશ ઉપર ચડી આવવાના ને તો તારે રાજ્ય ખાલસા થઈ જશે ને તુ નાશ પામીશ. એ કરતાં તું જો મારી ભેરમાં આવે તો આપણે બે ભેગા થઈને આ દુમનોનો ઘડો લાડવો કરી નાંખીએ.
ખસ-રાજાને ગળે આ વાત ઊતરી ગઈ છે, ને તેણે સિંહની સાથે યૂહરચના નક્કી કરીને રણધવલના સૈન્યને પાછળથી ઘેરી લીધું છે. આથી આપણું સૈન્ય અત્યારે સાણસામાં ફસાયું છે.
જો કે રણધવલ લખે છે તેમ યુદ્ધમાં તો આપણી સેના હારે | તેમ નથી, પણ દુશમનોએ બેય બાજુથી ભીડાવ્યા પછી, હવે, આપણી |
Jain Education International
For Private & Personal Use Only
www.jainelibrary.org
