________________
– ૨૧૮
સમરું પલપલ સુબ્રત નામ -
દૂષલે પ્રસન્નતાથી કુમારની વાત સ્વીકારી લીધી, ને તૈયારી કરાવવાની દૃષ્ટિએ તેણે વિદાય લીધી.
તેના ગયા પછી કુમારે વસંતશ્રીને તેડાવી. વ્હાલપૂર્વક પાસે બેસાડી. પછી ગુલખેપુરે જવાની તથા જિનચૈત્યોમાં અષ્ટદિવસીય પૂજા-ભક્તિ કરવાની વાત સમજાવી.
વસંતશ્રી માટે આ સાવ નવો જ વિષય હતો. દેરાસર શું, અરિહંત એટલે શું, આ બધું તેને માટે સાવ અજાણ્યું હતું. એટલે તેણે વિસ્મયપૂર્વક ભાતભાતના સવાલો કરવા માંડ્યા. તેનું અજ્ઞાન તેમજ તેનું વિસ્મય જોઈને કુમારે તેને અરિહંત સહિત દેવ-ગુરુધર્મનું સ્વરૂપ વિસ્તારથી સમજાવ્યું અને છેવટે ઉમેર્યું : દેવી! અરિહંત એ જ આપણા ભવતારક અને પાપનિવારક દેવાધિદેવ છે. અને આવા દેવને મેળવ્યા પછી ઇતર દેવોની પૂજા-અચ તો , દર્શન પણ કરવાની વાત આપણને શોભે નહિ. તે દિવસે મેં દેવીના મંદિરમાં પૂજા વગેરે કર્યું, તે માત્ર તારી માનતા હતી અને તું હજી આ બધી વાતોથી અજાણ હોવાથી તારા મુગ્ધ અનુરોધને લીધે જ મેં કર્યું હતું. હવે પછી એ દિશા ભૂલી જ જવાની; મારે પણ અને તારે પણ. જો ખુદ રાજા જ આપણો મિત્ર બની જાય તો પછી તેના સેવકો ને પાસવાનો સાથે આપણે ભાઈબંધી ન જ રાખીએ ને? તો એ જ રીતે સર્વ દેવોના અધિદેવ સમા અરિહંતની ભક્તિ સ્વીકાર્યા પછી બીજા બધા અરિહંતના સેવકો જેવા દેવોની ઉપાસનાનો કોઈ અર્થ નથી.
અને જિનપૂજા કેવી રીતે થાય તે સમજવા માટે, હું મારી સાથેના ગૃહમંદિરમાં નિત્ય ત્રિકાળ પૂજા કઈ રીતે કરું છું, તેનું તારે - અવલોકન કર્યા કરવાનું. એથી તને બધું સહેજે આવડી જશે.” - વસંતશ્રીએ પતિની વાતો એટલા જ પ્રેમપૂર્વક સ્વીકારી.
એ પછી કુમાર તેને લઈને નગરમાં જવા નીકળી ગયો.
પેલી તરફ દૂષલે પણ નગરમાં જતાંવેંત શ્રાવકોને ભેગા કર્યા, અને શ્રીવર્મની ભાવના સમજાવી તાત્કાલિક બધો પ્રબંધ કરવા |
0
1 .
'
Jain Education International
For Private & Personal Use Only
www.jainelibrary.org
