________________
વજકુંડલ
૧૦૯
સાથે આવેલા પોતાના પરમમિત્ર શ્રાવક શ્રેષ્ઠી જિનમિત્રને તેણે પાસે બેસાડ્યો, ને કોઈ રસપ્રદ કથા કહેવા સૂચવ્યું. - જિનમિત્રે પણ બધાને રસ પડે ને ઊંઘ ન આવે તેવી અદ્ભુત કથા કહેવા માંડી. કથા પૂરી થયા પછી કુમારે તેની તથા અન્ય સાગરીતો સાથે કાવ્યવિનોદ અને હાસ્યવિનોદ માંડ્યાં.
આમ ને આમ રાત ટૂંકી થતી ગઈ, ને સૌ વાત-વનોદમાં લયલીન બની રહ્યા.
બરાબર રાત્રિનો ચોથો પ્રહર પ્રારંભાયો, ને એકાએક દ્વારપાળે આવીને જણાવ્યું કે મહારાજ! વીરસેનકુમારના સેવકો દરવાજે આવી ઊભા છે. આજ્ઞા હોય તો અંદર મોકલું.
આ સાંભળતાં જ વજકુંડલ પથારીમાં બેઠો થઈ ગયો. વાર્તાવિનોદ આટોપી લીધો, ને આગંતુકોને અંદર મોકલવાનો આદેશ આપ્યો. મંડળી તત્પણ વીખરાઈ ગઈ. તંબૂમાં માત્ર વજકુંડલ ને બે દૂતો – ત્રણ જણા જ રહ્યા.
બન્નેએ બધી વીગતો કુમાર સમક્ષ રજૂ કરી; બન્ને રાજાઓ સવારે દર્શને આવશે તેમ પણ જણાવી દીધું, ને પોતાને મળેલી ભેટો પણ કુમાર સમક્ષ મૂકી દીધી
કુમારે તે ભેટો તે બન્નેને પાછી આપતાં કહ્યું તમે નચિંત થઈને સ્વસ્થાને જાવ. વીરસેનના સેવકો તે અમારા જ સેવકો છે. એટલે તમે કરેલી બધી કાર્યવાહીની જવાબદારી હવે મારી થઈ છે. બે રાજાઓ આવશે ત્યારે હું એ રીતે જ સંભાળી લઈશ. માટે તમે અને વીરસેન નિશ્ચિતપણે તમારા કામે લાગી જજો.
તેમને વિદાય આપી કુમારે પ્રાત:કાર્ય આટોપ્યું. જિનપ્રતિમાની પૂજાસેવા કરી. પછી એકાંત મેળવીને બે ઘડી નિદ્રાધીન થઈ ગયો. રાતના ઉજાગરાને લીધે તેમ કરવું અનિવાર્ય બનેલું.
બપોરે ઊઠી પુનઃ સ્નાનાદિ કરી, તૈયાર થઈ તેણે દરબાર ભર્યો, ને બધા સેનાનાયકોને ભેગા કર્યા.
ત્યાં થોડીવારમાં જ સમાચાર આવ્યા કે અનંગદેવ તથા મદનદેવ | દર્શનાર્થે આવ્યા છે અને દરબારમાં ઉપસ્થિત થવાની પરવાનગી
Jain Education International
For Private & Personal Use Only
www.jainelibrary.org
